Явропа ташқи мунасивәтләр кеңиши: явропа иттипақиниң хитай сиясити мәғлуп болди

Явропа илмий тәтқиқат органлиридин явропа ташқи мунасивәтләр кеңиши җүмә күни доклат елан қилип, явропа иттипақиниң хитай билән содидин тартип кишилик һоқуққичә болған һәр қайси сәһәләрдики сияситидә һечқандақ илгириләш болмиғанлиқини, явропаниң сияситиниң мәғлуп болғанлиқини билдүрди.
Мухбиримиз әркин
2009-04-17
Share

Доклатта явропа иттипақиниң хитайға юмшақ васитиләрни ишлитиш билән тәң йәнә қәтий болушини тәвсийә қилди.

Доклатта мундақ дәйду: "шәртсиз һәмкарлишиш истратегийиси ақмиди. Хитай күчи явропаниң тутқан йолини нәзиригә илмиди. Улар явропаниң аҗизлиқидин устилиқ билән пайдилинип, демократийилишишни рәт қилди."

Явропа иттипақи хитайниң әң чоң сода шерики болупла қалмай уларниң йәнә тибәт мәсилисидә зор ихтилапи бар иди. 2008 ‏ - Йили 10 ‏ - айда франсийә президенти саркози тибәт роһаний даһийси далай лама билән көрүшкәндин кейин, хитай явропа иттипақи билән өткүзидиған башлиқлар йиғинини бикар қилған.

Доклатта йәнә мундақ дегән": явропа иттипақиниң хитай истратегийиси, хитай явропаниң тәсиридә иқтисадини либираллаштуруп, қануни билән идарә қилиш, сиясәтни демократийиләштүрүшни йолға қойиду, дәйдиған қелип асасиға қурулған."

 Лекин, доклатта хитайниң буниңға пәрва қилип қоймиғанлиқини билдүрүлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт