Yawropa ittipaqining tijaret komisyoni xitayni agahlandurdi

Yawropa ittipaqining xitaydiki tijaret komisyoni xitay hökümitini tijarette döletpereslik qilmasliqqa chaqirdi. Mezkur komisyon bügün bu heqtiki bayanatida, xitayda yüksiliwatqan milletchilik we yerlik shirketlerning qutritishi bilen, xitaydiki tijarette döletpereslik xahishining éship bériwatqanliqini hem chet'el shirketlirige qarita düshmenlik héssiyati bilen qariliwatqanliqi bildürülgen.
Muxbirimiz shohret hoshur
2010-04-20
Share

Mezkur komitét bu heqte xitayni agahlandurup, eger ehwal mushundaq dawamlashsa, yawropaliqlardimu xitay tijaretchilerge qarita tégishlik inkas qaytidighanliqini bildürgen.

Yawropa birlikining xitaydiki soda ishliri mes'uli Joerg Wuttke bu heqte toxtilip, xitay hökümiti nöwette dunyagha perwa qilmasliq pozitsiyisi tutuwatidu؛ intérnéttimu xitay puqraliri soda ishlirigha milletchilik héssiyatida pikir bayan qiliwatidu. Bu her ikki terep üchün ziyanliq" dep körsetken.

Wuttke Yene yawropa birliki tijaret komisyonining bashliqi kéler hepte, xitay bash ministiri wén jyabaw bilen körüshkende bu mesilini otturigha qoyidighanliqini ashkarilighan.

Ötken ayda yawropa birliki xitayning xelq'ara tijarette döletperestlik qiliwatqanliqini tenqidligen. Amérikining xitaydiki tijaret komisyonimu ötken ayda ray sinash élip bérip, amérikiliq tijaretchiler arisida chetke qéqilish héssiyatidikilerning köpiyiwatqanliqini élan qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet