Aqsaray bayanatchisi yemen hökümitining zorawanliqini eyiblidi

Aqsaray bayanatchisi jay karnéy 6-aprél bayanat élan qilip, yemen hökümitining namayishchilargha zorawanliq ishletkenlikini qattiq eyiblidi we prézidént éli abdullah saléhni bu jehette agahlandurdi.
Muxbirimiz jüme
2011.04.06

Jay karnéy bayanatida mundaq dédi: yemen xelqi tinch yosunda namayish qilish hoquqigha ige. Biz prézidént éli abdullah saléhning semige shuni salimizki, uniwérsal hoquqini ishqa sélip, siyasiy meydanini ipadiligen yemen xelqning tinchliqi we bixeterlikige kapaletlik qilish uning mes'uliyiti.

Jay karnéy bayanatida yene, yemen hökümitini namayishchilargha zorawanliq ishletkenlerning mes'uliyitini sürüshte qilishqa chaqirdi.

Misir we tunistiki hökümetke qarshi namayishlar ghelibige érishkendin kéyin, namayish yalquni yemen, behreyin we liwiye qatarliq döletlerge tutashqan.

Halbuki yemen hökümiti namayishchilarni herbiy küch ishlitip basturushqa urun'ghan bolsimu, namayishlar héli hem dawam qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.