Sam brownbek: "Xitay hökümiti 'Uyghurlarning erkin yashishigha yol qoyushi kérek'"

Muxbirimiz alim séytof
2019-10-17
Share
sam-brownback Amérikaning xelq'araliq diniy erkinlik alahide elchisi sam brownbek ependi erkin asiya radi'osi Uyghur bölümining ziyaritini qubul qildi.
RFA

Amérikaning xelq'araliq diniy erkinlik alahide elchisi sam brownbek 17-öktebir küni erkin asiya radiyosi Uyghur bölümining ziyaritini qobul qilghan waqtida xitay hökümitining Uyghurlargha qaratqan ziyankeshlikini qattiq eyiblidi. U: "Ular Uyghurlarning erkin yashishigha yoq qoyushi kérek," dédi.

Alahide elchi sam brownbek amérika hökümitining bu qétimqi birleshken döletler teshkilati omumiy yighinida Uyghur mesilisini alahide kötürüp chiqish arqiliq pütün dunyagha xitay hökümitining bir milyondin artuq Uyghurni jaza lagérlirigha qamighanliqi we lagérgha qamalmighan milyonlighan Uyghurlarni asas qilghan yerlik milletlerning weziyitiningmu lagérdin zor perqlenmeydighanliqini bildürüsh ikenlikini tekitlidi. Emma u bu qétimqi b d t omumiy yighini jeryanida héch bir musulman döletning Uyghur mesilisi heqqide söz qilmighanliqidin epsuslan'ghanliqini bildürdi.

U musulman döletlirini Uyghur mesiliside awazini chiqirishqa tewsiye qilip: "Tarix ularning sükütige mukapat bermeydu. Sükütte turushning özi melum bir ishning yüz bérishige qoshulush we yol qoyushtin dérek béridu," dédi. U yene "Eger melum bir xata ish melum bir top kishilerning béshigha kelgende siz sükütte turuwalsingiz, uzun ötmey ularmu sizni bosh qoyuwetmeydu. Siz ularning étiqadining néme bolushidin qet'iynezer, her bir insanning kishilik hoquqi we diniy erkinliki üstide choqum éghiz échishingiz kérek," dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.