Дүзҗә шәһиридә йеңи ечилған «шәрқий түркистан бағчиси» ға көчәт тикилгән

Ихтиярий мухбиримиз әркин тарим
2019-05-15
Елхәт
Пикир
Share
Принт
Дүзҗә шәһиридә йеңи ечилған «шәрқий түркистан бағчиси» тоғрисидики хәвәрдин сүрәткә елинған.
Дүзҗә шәһиридә йеңи ечилған «шәрқий түркистан бағчиси» тоғрисидики хәвәрдин сүрәткә елинған.
haberturk.com

Түркийәдики әң чоң телевизийә қаналлиридин «хабәр түрк» телевизийәсиниң тор бетидә ‏‏6-май күни елан қилинған хәвәргә асасланғанда дүзҗә шәһиридики саәтчигил кочиси бойиға йеңи ясалған «шәрқий түркистан бағчиси» ға көчәт тикилгән. Хәвәрдә дүзҗә шәһәрлик һөкүмәтниң мәзкур бағчиға хуш пурақ чачидиған дәрәхләрни тиккәнлики, буниңдин кейин бағчидин дүзҗә шәһиригә хуш пурақлар чечилидиғанлиқи баян қилинған.

Түркләр өзлириниң 1000 йил бурун уйғур дияридин кәлгәнликини, уйғурлар билән қериндаш икәнликини, уйғур дияриниң өзлириниң «ата юрти» икәнликини илгири сүришиду. Бу сәвәбтин түркләр уйғур тарихи, мәдәнийити вә өрп-адәтлиригиму қизиқиду. Түркләр уйғур диярини хатириләш, уйғурлар билән болған қериндашлиқ риштини күчәйтиш үчүн бурун истанбул, қәйсәри вә қаһраманмараш қатарлиқ нурғун шәһәрләрдики бағчә, коча вә мәктәпләргә әйса йүсүп алиптекин, осман батур, қәшқәр вә үрүмчи қатарлиқ исимларни бәргән иди.

31-Март күни түркийәдә өткүзүлгән шәһәр башлиқлири сайлимидин кейин тунҗи қетим түркийәниң ғәрбигә җайлашқан дүзҗә шәһиридики бир бағчиға «шәрқий түркистан бағчиси» нами берилгән. Биз дүзҗә шәһәрлик һөкүмәт башлиқи фаруқ өзлү әпәндигә көп қетим телефон қилған болсақму телефонни алмиди.

Биз бағчиға берип айланған дүзҗә университети хәлқара мунасивәтләр кәспи оқуғучиси һилал тәмүр ханим билән телефон сөһбити елип бардуқ. У бағчини айланғанлиқини баян қилип мундақ деди: «мән дүзҗидә шәрқий түркистан бағчисиниң ечилғанлиқини йеқинда аңлапла, көрүп бақай дәп бүгүн бағчиға бардим. Дүзҗә шәһәрлик һөкүмәт бинасиниң йенидики кочидин төвәнгә қарап маңсиңиз асар ериқи бойиға барисиз. У йәрдики дуканларниң хоҗайинлиридин сорисам шәрқий түркистан бағчисини көрситип қойди. Улар у йәрдә шәрқий түркистан бағчисиниң ясалғанлиқини, наһайити хурсән болғанлиқини ейтишти. ‹Шәрқий түркистан бағчиси' асар ериқиниң көврүкидин өткәндә оң тәрәптә икән. Мәзкур бағчә йеңи ясалған болуп, бағчә ериқниң бойидики гүзәл мәнзирилик бир җайда икән».

Шәрқий түркистан вәқпиниң сабиқ рәиси һамут гөктүрк әпәнди бу һәқтә зияритимизни қобул қилип, түркийәдә оттура асия түркий җумһурийәтлири, болупму уйғурларниң тонулған шәхс вә йәр исимлирини түркийәдики бағчә, коча, мәктәпләргә қоюш адитиниң бурундин тартип барлиқини баян қилди.

Мәлум болғинидәк 3-айниң 31-күни түркийәдә шәһәр, кәнтләрниң башлиқлири қайта сайлап чиқилған иди. Сайламда сабиқ санаәт вә технологийә министири фаруқ өзлү әпәнди дүзҗә шәһәрлик һөкүмәтниң башлиқи болуп сайланған иди. У, шәһәр башлиқи болуп сайланғандин кейинки қисқа вақит ичидә бу бағчини ясап «шәрқий түркистан бағчиси» намини бәргән. Һамут гөктүрк әпәнди буниң уйғур дәвасини түрк җамаәтчиликигә аңлитиш үчүн зор әһмийәткә игә икәнликини баян қилди.

Түркийәдә техиму көп уйғур шәхсниң вә тарихий йәрләрниң исмини қойдуруш үчүн немиләрни қилиш керәк? истанбулдики шәрқий түркистан маарип вә һәмкарлиқ җәмийити рәиси һидайәт оғузхан әпәнди йүсүп хас һаҗип яки мәхмут қәшқириниң намини бир университетқа бәргүзүш үчүн тиришиватқанлиқини, буниң уйғур дәваси үчүн зор әһмийәткә игә икәнликини баян қилди.

Бурун түркийә истанбудики саяһәт райони болған султанәхмәт мәйданида бир бағчиға әйса йүсүп алиптекин бағчиси, бир башланғуч мәктәпкә әйса йүсүп алиптекин мәктипи, қәйсәридә бир бағчиға әйса йүсүп алиптекин бағчиси, йәнә бир бағчиға болса үрүмчи бағчиси нами берилгән иди. Булардин сирт түркийә қаһраманмараштики бир кочиға әйса йүсүп алиптекин кочиси нами, измирниң салиһли наһийәсидә бир кочиға осман батур кочиси нами берилгән иди.

Пикирләр (0)
Share
Толуқ бәт