Maykil walt: “Sherqiy türkistan héchqachan xitayning bir qismi bolghan emes!”

Washin'gtondin muxbirimiz irade teyyarlidi
2024.05.10

Dunya Uyghur qurultiyi (d u q) dunyagha kelgenlikining 20 yilliqini xatirilesh pa'aliyetlirining bir muhim mezmuni süpitide 4- may küni “Sherqiy türkistanning mustemlike qilinishigha xelq'ara qanunlar asasida qarap chiqish” témisida mexsus doklat bérish yighini uyushturuldi.

Bu doklat hemde uninggha alaqidar mesililer toghrisida aldi bilen d u q ijra'iye komitéti re'isi ömer qanat ependi yighin ehlige qisqiche chüshenche berdi. Uning bayan qilishiche, xitay hökümiti Uyghurlarning zéminini 1949- yili ishghal qilghandin buyan hazirghiche Uyghurlarni yoqitishni meqset qilghan türlük siyasetlerni yürgüzüp kelgen؛ shunga Uyghurlar mesilisi peqetla bir kishilik hoquq mesilisila bolmastin, yene öz nöwitide bir bir milliy mesile hésablinidu. U mushu ehwallarni eskertip “Buni xelq'ara jama'etke téximu yaxshi tonutush hemde herqaysi döletlerni qayil qilish meqsitide Uyghurlar ‛sherqiy türkistan‚ dep ataydighan bu zéminning hazirqi weziyitige, jümlidin xitay hökümitining bu yerdiki mewjutluqigha xelq'ara qanunlar asasida baha bérishi üchün mushundaq bir tetqiqat türini bashliduq” dédi. Shundaqla bu heqtiki ehwallar toghrisida téximu tepsili melumat bérishke maykol wan walt ependini munberge teklip qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.