Ситокһолмда өткүзүлгән “йәрва һәптилики” паалийитидә уйғур мәсилиси диққәт тартти

Берндин ихтиярий мухбиримиз һәбибулла изчи тәйярлиди
2024.06.03
shiwetsiye-uyghur-2 Шиветсийә уйғур бирликиниң рәиси бәхтинур ханим “йәрва һәптилики” паалийитидә шиветсийә сотсиял демократлар партийәсиниң рәиси тобияс әпәнди билән биллә. 2024-Йили 31-май, ситокһолм.
RFA/Hebibulla Izchi

29-Май күни шиветсийәниң пайтәхти ситокһолмниң йәрва районида йилда бир нөвәт өткүзүлидиған “йәрва һәптилики” паалийити башланған болуп, бу паалийәткә шиветсийә уйғур бирликиму қатнашқан. Шиветсийә уйғур бирлики паалийәт мәйданиниң кириш ишики алдиға мәхсус уйғурларни тонуштуридиған миллий буюмлар вә уйғурчә китабларни тизған болуп, бу, паалийәткә қатнашқучиларниң алаһидә диққитини тартқан. Бу паалийәткә шиветсийә уйғур бирликиниң хадимлири бәхтнур, ниҗат, күндүзай вә қурбанҗан қатарлиқлар қатнашқан.

Шиветсийә уйғур бирликидин қурбанҗан бу паалийәт һәққидики мәлуматларни радийо аңлиғучилар билән ортақлишип, “бу паалийәтниң шиветсийәдики һәр қайси милләтләрниң өз мәдәнийитини вә кимликини тонуштуридиған паалийәт икәнликини, өзлириниң буниңға қатнишиш арқилиқ уйғурларни тонуштуруш имканийитигә еришкәнлики” ни билдүрди.

Шиветсийә уйғур бирлики хадимлири “йәрва һәптилики” паалийитидә уйғур мәдәний буюмлири вә китаблирини көргәзмә қилди. 2024-Йили 31-май, ситокһолм.
Шиветсийә уйғур бирлики хадимлири “йәрва һәптилики” паалийитидә уйғур мәдәний буюмлири вә китаблирини көргәзмә қилди. 2024-Йили 31-май, ситокһолм.
RFA/Hebibulla Izchi

Бу паалийәтниң уйғурлар үчүнму наһайити әһмийәтлик болғанлиқини билдүргән шиветсийә уйғур бирлики рәиси бәхтинур ханим, өзиниң тәсиратини баян қилип: “бу паалийәтниң әһмийәтлик тәрипи шуки, биз, бу мунасивәт билән шиветсийәниң нурғун сиясәтчилири вә парламент әзалири, явропа парламентиниң сайлам риқабитигә қатнишиватқан сиясәтчиләр билән биваситә учришип шәрқий түркистанда һазирму давам қиливатқан ирқий қирғинчилиқни тонуштуруш пурситигә ериштуқ” деди.

 “йәрва һәптилики” шиветсийәдә йилда бир бир өткүзүлидиған, мәдәнийәт, сәнәт вә сиясәтчиләрниң нутуқ сөзләш паалийәтлири бир гәвдиләшкән паалийәтләрдин бири болуп, бу қетимқиси, явропа парламентиға әза болидиған намзатларниң сайлимиға тоғра кәлгән. Бәхтинур ханим, бу паалийәттә явропа парламенти сайлимиға қатнишиватқан сотсиял демократлар партийәсиниң нутуқ сөзләш паалийитидә сөзгә тәклип қилинған болуп, у сөзидә “уйғурларниң нөвәттики хәтәрлик вәзийити, шәрқий түркистандики қирғинчилиқниң һелиму давам қиливатқанлиқи шундақла хитайниң хәлқара җәмийәтниң көзини бояшқа урунуватқанлиқини” оттуриға қойған.

Шиветсийә уйғур бирликиниң рәиси бәхтинур ханим “йәрва һәптилики” паалийитидә шиветсийәниң сабиқ министири магделена андерсон ханим билән. 2024-Йили 31-май, ситокһолм.
Шиветсийә уйғур бирликиниң рәиси бәхтинур ханим “йәрва һәптилики” паалийитидә шиветсийәниң сабиқ министири магделена андерсон ханим билән. 2024-Йили 31-май, ситокһолм.
RFA/Hebibulla Izchi

31-Май күни өткүзүлгән сайлам риқабитидә, уйғурларму тәклип билән “солчилар партийәси” ниң башлиқи йонас сжөстәдниң муназирисигә қетилған, шундақла бәхтинур ханим уйғурларға вакалитән сөзгә тәклип қилинған.

Бәхтинур ханим, йонас сжөстәдниң уйғурлар вә уйғур ели һәққидиму сөз қилғанлиқини баян қилди.

 Бәхтинур ханим сайлам риқабитигә қатнашқан, шиветсийәниң сабиқ истатистика министири, магдәлена андерсон ханимниң нутқидин кейин тәклип билән сөз қилған шуниңдәк йәнә, магделена андерсон ханимға уйғурларниң әтләс шарписини тәқдим қилғанда пүтүн мәйданда гүлдүрас алқиш садаси яңриған.

Шиветсийә уйғур бирликиниң рәиси бәхтинур ханим “йәрва һәптилики” паалийитидә шиветсийәниң сабиқ министири магделена андерсон ханимға әтләс шарпа тәқдим қилди. 2024-Йили 31-май, ситокһолм.
Шиветсийә уйғур бирликиниң рәиси бәхтинур ханим “йәрва һәптилики” паалийитидә шиветсийәниң сабиқ министири магделена андерсон ханимға әтләс шарпа тәқдим қилди. 2024-Йили 31-май, ситокһолм.
RFA/Hebibulla Izchi

Игилишимизчә, бу қетим шиветсийәниң сотсиял демократлар партийәси, хиристиян демократлар партийәси вә солчилар партийәси қатарлиқ бурундин уйғур мәсилиси билән әң көп алақидар болған партийәләрниң рәислири вә намзатлири уйғурларни алаһидә зиярәт қилип, сөһбәтлишип, уйғурларға болған һесдашлиқини билдүрүшкән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.