Шветсийә парламентида уйғурлар тоғрисида гуваһлиқ бериш йиғини өткүзүлди

Ихтиярий мухбиримиз арслан
2019-05-31
Share
Thomas_Hammarberg_01.jpg Шиветсийәдә һөкүмәт башқуруватқан сотсиял демократлар партийәсидин томас һаммарберг (Thomas Hammarberg) әпәнди.
Social Media

29-Май күни шветсийә сотсиял демократлар партийәсидин томас һаммарбирг әпәндиниң тәклипи билән шветсийә парламентида, уйғур дияридики хитайниң җаза лагерлири вә лагерға қамалған уйғурлар тоғрисида гуваһлиқ бериш йиғини өткүзүлди.

Йиғинға шветсийәдики бир қисим уйғурлар, хәлқара кишилик һоқуқ тәшкилати, шветсийә қәләмкәшләр җәмийити вә шветсийәдики "чарта 2008" намлиқ тәшкилатларниң вәкиллиридин болуп, бир түркүм кишиләр қатнашти.

Бу йиғинни шиветсийәдә һөкүмәт башқуруватқан сотсиял демократлар партийәсидин томас һаммарберг (Thomas Hammarberg) әпәнди билән шиветсийә уйғур маарип уюшмиси бирликтә уюштурған болуп, йиғинда хәлқара кишилик һоқуқни көзитиш тәшкилатиниң шиветсийә вә данийә мәсули монис молландер (Måns Molander), шиветсийә кишилик һоқуқ тәшкилати чарта 2008 (Charta 2008)ниң мәсули шуниңдәк йәнә шиветсийә уйғур маарип уюшмисиниң рәиси ниҗат турғун әпәнди сөз қилди.

Йиғинда томас һаммарберг, бу қетимқи йиғинни орунлаштурғанлиқиниң сәвәбини аңлатти, арқидин йиғинда сөзи қилиш үчүн тәклип қилинған кишилик һоқуқни көзитиш тәшкилатиниң шиветсийә вә данийә мәсули монис молландер хитайниң уйғур үстидин йүргүзүватқан бесим сиясәтлири, шундақла йеқинқи йиллардин буян уйғур диярида қурулған җаза лагерлири тоғрисида игилигән мәлуматлирини аңлитиш билән биргә, уйғурлар тоғрисида мәхсус ишлигән қисқа һөҗҗәтлик филим қоюлди.

Йиғинда уйғурларға вакалитән шветсийә уйғур маарип уюшмисиниң рәиси ниҗат турғун әпәнди сөз қилип, җаза лагерлириниң омумий әһвали, җаза лагерлириниң қандақ һаләттә икәнлики, ичидә немә ишлар йүз бериватқанлиқи вә башқа әһваллар тоғрисида тәпсилий мәлумат бәрди.

Биз бу йиғин тоғрисида йәнә ниҗат турғун әпәнди билән сөһбәт елип бардуқ.

Ниҗат турғун әпәндиниң билдүрүшичә, у хитайниң уйғурлар үстидин йүргүзүватқан бесим сиясәтлири тоғрисида тохтилип, хитайниң аталмиш қошмақ туғқанчилиқ нам астида бир милйондин артуқ кадирлирини уйғур аилиләрниң өйлиригә әвәтип орунлаштуруши, уйғур қизлириниң хитайлар билән той қилишқа мәҗбурлиниватқанлиқи, кичик балиларниңму ата-анилири җаза лагерға қамалғанлиқи сәвәбидин йетимханиларға орунлаштурулуп хитайлаштуруш сияситиниң қурбани болуватқанлиқи вә шуниңға охшаш җаза лагерлириниң сиртидики уйғурларниң еғир бесим астида яшаватқанлиқини әмәлий мисаллар билән сөзләп өткән.

Йиғин ахирида шветсийә һөкүмити вә дөлити болуш сүпити билән уйғур мәсилисидә қандақ шәкилдә йол тутуш керәклики тоғрисида тәклип лайиһәләр оттуриға қоюлған.

Йиғин ахири соал-җаваб вә әркин муназирә шәкилдә давамлашқан болуп, бир қисим кишиләр өзлириниң көз қарашлирини оттуриға қойған. Муназирә җәрянида, уйғур маарип уюшмисиниң баш катипи абдуллаһ көкяр әпәнди, уйғур диярида, хитай даирилири бигунаһ уйғурларни тутқун қилип түрмә вә җаза лагерлириға солап һәртүрлүк зулумларни қиливатқанлиқини, әмма аз сандики ахбарат васитилиридин башқа пүтүн дуня буниңға сүкүт қилип туруватқанлиқини тәкитлигән.

Биз йәнә техиму көп мәлуматқа игә болуш үчүн шиветсийә уйғур маарип уюшмисиниң тәшвиқат мәсули турғунҗан әпәнди билән сөһбәт елип бардуқ.

Турғунҗан әпәнди бу йиғинниң наһайити яхши өткәнликини, йиғинда оттуриға қоюлған уйғурларға алақидар мәлуматлар вә доклатлар шветсийә парламентиниң уйғур сияситигә түрткилик рол ойнишини үмид қилидиғанлиқини билдүрди.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт