19-Qurultay mezgilidiki jiddiychilik saqchilarnimu alaqzade qiliwetken

Muxbirimiz shöhret hoshur
2017-10-23
Élxet
Pikir
Share
Print
Xitay qoralliq küchlirining kocha charlap yürgen körünüshi. 2014-Yili 23-iyul, qeshqer.
Xitay qoralliq küchlirining kocha charlap yürgen körünüshi. 2014-Yili 23-iyul, qeshqer.
ImagineChina

Anglighuchilirimizdin bir bügün radiyomizgha uchur yollap, 19‏-qurultay échilghan kündin buyan Uyghur aptonom rayoni weziyitini jiddiy bir ensizchilik qaplighanliqi, saqchilarning alaqzadilik ichide wezipe ötewatqanliqi, bezi ahalilerning turuwatqan mehellisidin, hetta bezilirining turuwatqan qorusidin sirtqa chiqmasliqqa buyrulghanliqini melum qildi. Muxbirimizning bu uchurni delillesh üchün élip barghan téléfon ziyaretliri dawamida 20 din artuq saqchixana xadimidin héchbiri soralghan so'allargha jawab bérelmidi. Ularning ürküp yaki chéchilip qayturghan jawapliri, wezipe ötewatqan saqchilarningmu alaqzade keypiyatta ikenlikini ashkarilidi.

Radi'omizgha kelgen inkasta déyilishiche, "Yépiq terbiyilesh merkezliri" ahalilerge élip kelgen parakendichilikning üstige 19‏-qurultayning bixeterlik tedbirliri qétilip Uyghur rayonining ijtima'iy weziyitide adettin tashqiri bir jiddiychilikni shekillendürgen. Sheherlerde bezi ahaliler komitéti ahalilerning xizmet we tijarettin bashqa ijtima'iy pa'aliyetlirige yol qoymighan. Xizmet ornidin udul öyige qaytish, xizmettin sirtqi waqitlirida sirtqa chiqmasliqini buyrughan. 

Ijtima'iy taratqulardiki bezi uchurlarda déyilishiche, bezi muqim ish orni bolmighan ahaliler künboyi öydin sirtqa chiqmasliq we öyige ziyaretchi qobul qilmasliq heqqide agahlandurulghan. Bezi ahaliler qurultay axirlashquche yiraq-yéqin téléfon alaqisinimu toxtitishqa agahlandurulghan. 

Uyghur aptonom rayonining jenubidiki yézilarda bu yildin bashlap, ahaliler qoshnisini 5 minuttin artuq ziyaret qilish üchünmu saqchini xewerlendürüsh tüzümi yolgha qoyulghan idi. Radiyomizgha kelgen bügünki inkasta déyilishiche, yézilarda ahaliler pesil xaraktéri bolmighan ishlepchiqirishini toxtitip turushqa buyrulghan. Téléfonimizni qobul qilghan köpinche saqchi xadimliri so'allirimizgha jawab bérishke pétinalmidi. Bezi saqchilar 19‏-qurultay heqqidiki so'alimizdin ürkidi, beziliri bolsa ganggiridi. Bezi saqchilar, özlirining 19‏-qurultay yaki weziyet heqqide éghiz échish hoquqi yoqluqini yoshurmidi. Yene bezi saqchilar sewepsiz halda chéchilish we qaynash arqiliq özliridiki alaqzade keypiyatni ashkarilidi. 

Melum bolushiche, da'iriler bu qétimqi qurultay mezgilide "Üchni chiqarmasliq" yeni "Chong ish chiqarmasliq, otturahal ishmu chiqarmasliq, hetta kichik ishmu chiqarmasliq" tin ibaret yéngi bir sho'arni otturigha qoyghan. Éniqlashlirimiz dawamida bezi yéza emeldarlirining kéchilerde saqchixanilarni ziyaret qilip, "Üchni chiqarmasliq" heqqide xizmet melumati éliwatqanliqi we saqchilargha qurultay rohidin doklat bériwatqanliqi ashkarilandi.

Toluq bet