Паалийәтчи вә мутәхәссисләр иттипақ комитети мәсуллириниң уйғур яшлириға чиқарған чақириқиға инкас қайтурди

Өз мухбиримиз әркин
2017-04-28
Share
aynur-meqset Мәзкур чақириқни йезип чиққанларниң бири айнур мәқсәт
Photo: RFA

26 ‏-Апрел "шинҗаң Гезити" дә Елан Қилинған "уйғур Яшлириға 5 Соал" Сәрләвһилик Мақалини Уйғур Аптоном Районлуқ Иттипақи Комитетиниң4 Нәпәр Уйғур Мәсули Қәләмгә Алған. Бу Мақалә Хитай Һөкүмити Бастурушни Идеологийә Саһәсигә Кеңәйтип, Нурғун Уйғур Зиялий, Кадир, Оқутқучи, Диний Затлар "икки Йүзлимичилик" Билән Җазалиниватқан Мәзгилдә Елан Қилинған Йәнә Бир Сиясий Чақириқтур.

Мақалида, Уйғурларға "террорлуқ" Қалпиқиниң Кийилип Қелиши, Уйғурларниң Вәтән Қариши, Уйғурларниң "әсәбийлик" ни Тонуши, Хитай Тили Өгиниши Қатарлиқ 5 Мәсилә Оттуриға Қоюлуп, Уйғурларға "террорлуқ" Қалпиқиниң Кийилип Қелишиға "3 хил Күчләр" ниң "зораван Террорлуқ Һәрикити Сәвәб Болған" лиқини Илгири Сүргән.

Мақалида, "аз Санлиқ Бир Түркүм Азазуллар Вәтәнни Парчилаш, Милләтләр Иттипақлиқиға Бузғунчилиқ Қилиш Рәзил Нийитигә Йетишни Мәқсәт Қилип, Зораван Террорлуқ Вәқәлирини Пәйда Қилди." "шулар Сәвәблик Биз Қатму-Қат Бихәтәрлик Тәкшүрүшлиридин Өтүшкә Мәҗбур Болдуқ. Бәзидә Меһманханида Қонуш, Өй Иҗарә Елишларда Қийналдуқ" Дейилгән.

Мәзкур Мақалә Пәйшәнбә Күни Бәзи Хәлқара Ахбарат Васитилиридә Хәвәр Қилинди. Ройтерс агентлиқиниң Бу Һәқтики Хәвиридә, Кишилик Һоқуқ Тәшкилатлириниң Райондики Зорлуқ Вәқәлирини Вә Пәйда Болған Җиддий Вәзийәтни Хитайниң Уйғур Мәдәнийити, Диний Етиқадини Чәклиши, Хитай Көчмәнлирини Уйғур Районға Көчүп Келип, Яшаш Вә Ишләшкә Риғбәтләндүрүши Кәлтүрүп Чиқарған, Дәп Қарайдиғанлиқини Илгири Сүргән.

Бәзи Паалийәтчиләр Уйғурларға "террорлуқ", "әсәбийлик" Қалпиқини Хитай Һөкүмити Вә Униң Ахбарати Кийдүргәнликини Илгири Сүрүп Кәлди. Америкида Турушлуқ Хитай Өктичи Ли Хоңкүән Әпәндиниң Қаришичә, Хитай Уйғур Мәсилисидә Хәлқара "террорлуқ", "әсәбийлик" кә Қарши Турушни Суйиистемал Қилип Кәлгән.

Ли Хоңкуән Мундақ Дәйду: "диний Әсәбийлик Дегән Бу Нәрсә Һазир Хәлқарада Нисбәтән кәң Тарқалған. Хитай Һөкүмити Униңға Йеңи Уқум Берип, Йеңи Мәзмунларни Қетип, Шинҗаңлиқларниң, Шинҗаңдики Йәрлик хәлқниң Бешиға Кийдүрди. Андин У Буни Баһанә Қилип Зәрбә Бериватиду. Униңчә Шундақ Қилғанда Хәлқара Вә Америка Толуқ Арилишалмайду. Чүнки, Америкиниң Өзиму Диний Радикаллиқ Вә Террорлуққа Қарши Туриду. Хитай Һөкүмити Мушу Намда Шинҗаңда Уйғур, Қазақ Вә Башқа Милләтләрниң Кишилик Һоқуқиға Таҗавуз Қилса, Хәлқара Җәмийәт Вә Америка Артуқ Гәп Қилалмайду, Дәп Ойлайду."

Бәзи Уйғур Паалийәтчилириниң Қаришичә, Бу Мақалида Уйғур Районида Йүз Бәргән Вәқәләр Билән Хитай Һөкүмитиниң Сиясити Оттурисидики Сәвәб-Нәтиҗә Мунасивити Тилға Елинмиған. Әнглийәдә Олтурушлуқ Уйғур Паалийәтчи Әнвәр Тохти, Хитай Һөкүмитиниң Сиясити Уйғурларни Мәҗбури Қаршилиқ Көрситишкә Қистап Апарғанлиқини Илгири Сүрди.

У Мундақ Дәйду: "хитай Ахбарати Вә Һөкүмитиниң Һәммиси Бир Механизм. Бу, Уларниң Бирлишип Бизгә Қиливатқан Төһмити. Шуңлашқа, Бу Йәрдә Террорлуқ Қалпиқи Бизгә Кийилип Қалди, Дейишниң Өзи Бир Ақил Соал Әмәс. Буниң Пут Тирәп Туралайдиған Һечқандақ Асаси Йоқ. Бу Хата Қоюлған Соал. Буниң Ичидики Техникилиқ Сәвәбләрни Сүрүштә Қилса, Буниң Ичидин Бәк Нурғун Нәрсә Чиқиду. Мәсилән, Биз Пүтүн Уйғур Хәлқи Өзимизниң Юртимизда Ят Адәмгә Айлинип Қалдуқ. Чүнки, Өзимизниң Юртимизда Биз Хизмәт Тапалмаймиз. Өзимизниң Тилимизни Сөзлисәк Ақмайду. Бундақ Йәргә Қистақ Әкәлсә, Маву Хитайниң Өзидиму Бир Гәп Бар, ‹ит Чеғида Җилә Болса Тамдин Сәкрәп Чиқиду, Адәм Немә Қилмайду' Дәйдиған. Буниңға Гәп Кәтмәйду. Бу Нуқтиға Хитай Уйғурларни Мәҗбури Қистап Әкеливатиду."

Әнвәр Тохтиниң Илгири Сүрүшичә, Бу Мақалә Йәнә Хитай Һөкүмитиниң Уйғурларни Әсәбийликкә Бағлап Туруп Бастурушиға Хизмәт Қилидикән. У, Хитайниң Мәқсити Уйғурларни "радикал" Дәп Көрситип, Бастурушни Қанунлаштуруш Икәнликини Билдүрди.

Әнвәр Тохти Мундақ Дәйду: "улар бир Тәрәптин, Ислам Диний Тинчлиқпәрвәр Дин, дәп Туруп, Мусулманларни Яман Көрситиду. Буни Иблислаштуруш, Дәйду. Мәқсити Уйғурларниң Образини Бузуш. Мениң Бу Йәрдә Әнсирәватқиним Вә Демәкчи Болғиним, Уйғурларни ‹Мусулман Вә Әсәбий Мусулман' Дәпму шу Шәкилдә Иблислаштуруватиду. Хитайлар Бурун Фалунгоңни Шундақ Қилған. Бизниму Шундақ Қилиштики Мәқсәт Бирәр Вәқә Болғанда Қирғинчилиқ Елип Беришниң Йолини Ечиш. Шуңа Бу Мақалида Дәватқан Гәпкә Қарисақ, Мәсилән: Бу Йәрдә, ‹биз Диний Әсәбийликниң Маһийитини Тонуп-Йәттуқму-Йоқ' дейилгән. Мана Бу Хитайниң Мәқсити. Шуңа, ‹әсәбийлик' дегән Бу Нәрсә Мушу Мәқсәткә Йетиш Үчүн Қоллиниватқан Бир Васитидур."

Уйғур Аптоном Районлуқ Иттипақ Комитетиниң Секретари Айнур Мәхсут, Муавин Секретари Мәмәтҗан Давут Қатарлиқ Кишиләр Қәләмгә Алған Бу Мақалида Йәнә, Уйғур Яшлириниң Партийә Шинҗаңдики Аз Санлиқ Милләтләрниң "инақлиқ, Гүлләнгән, Хушал, Бәхтлик" Кәйпиятини Намаян Қилип, Хитай Тилини Өгинишини Тәләп Қилған. Мақалида, Дөләтниң Ортақ Тили Хитайчини Өгәнмәслик Бир "номус" Дәп Көрсәткән.

Бирақ Ли Хоңкуән Әпәнди, Даириләрниң Хитай Тилини Уйғурларға Мәҗбури Теңишини Тәнқидләп, Кишиләрниң Һәрқандақ Тилни Ихтияри Өгиниши Керәкликини, Мәҗбури Теңишниң Һечқандақ Яхши Ақивәт Елип Кәлмәйдиғанлиқини Билдүрди.

Униң Қаришичә, Бу Мақалида Хитай Тили Уйғурларға Мәҗбури Теңилған.

У Мундақ Дәйду: "бу Мәсилә Маарипниң Әркин Яки Әркин Әмәслики Мәсилиси. Мән Маарипниң Әркин Болуши Керәк, Дәп Қараймән. Әмма Бу Һазир Хитайда Әмәлгә Ашмайду. Компартийә Маарип Әркинликини Тартивалди. Сиясәтни У Бекитиду, Сән Униңға Әмәл Қилса. Әркин Маарип Уқуми Мундақ, Мәсилән: Шинҗаңда Һәр Хил Милләт, Һәр хил Тил Мәвҗут. Ундақ Әһвалда Бир Адәм Қандақ Тил Өгинишни Өзи Бәлгилиши Керәк. Балиларға Ата-Анилар Бәлгиләп Бериду. Һечкимни Мәлум Бир Тилни Өгинишкә Мәҗбурлимаслиқи Керәк. Сиз Уйғурчә Өгинимиз Десиңиз Уйғур Мәктипигә Барсиңиз Болдиғу. Хитайчә Өгинимән Десиңиз Уму Сизниң Таллишиңиз. Нимини Оқушни Аилә Башлиқи Вә Балиларға Бериш Керәк. Тил Бир Қорал, Муһими Өгиниш, Әмма Сиз Буни Таңсиңиз Болмайду. Бу Бир Хитай Балисиға Уйғурчини Таңсиңиз Болмиғанға Охшаш Бир Иш. Бирақ Сиз Бир Тилни Башқиларға Таңсиңиз Уларни Маңқуртлаштуримән, Дегәнлик Болиду. Бурун Японлар Тәйвән Вә Җуңгони Бесивалғанда Шундақ Қилған. Һазир Хитайниң Шинҗаңда Иҗра Қиливатқини Дәл Мушу Сиясәт."

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт