«7 گە رۇخسەت قىلماسلىق بەلگىلىمىسى» نارازىلىق قوزغىدى

ئۇيغۇربىز تورىنىڭ خەلقئارا تور بېكىتىدىكى رەسىملىك خەۋەردىن مەلۇم بولۇشىچە، بۇ 7 بەلگىلىمە: ماركسىزملىق ئاتىزم تەربىيىسىنى قوبۇل قىلىشنى رەت قىلىشقا رۇخسەت قىلماسلىق؛ دىنىي تەلىم-تەربىيە ۋە دىنىي پائالىيەت بىلەن شۇغۇللانماسلىق؛ دىنىي تۈس ئالغان كىيىملەرنى كىيمەسلىك؛ قانۇنسىز نەشر بۇيۇملىرى ۋە دىنىي تەشۋىقاتلارنى تارقاتماسلىق؛ مىللەتلەر ئىتتىپاقلىقىغا بۇزغۇنچىلىق قىلىدىغان ھەرىكەتلەردە بولماسلىق؛ مىللەتلەر ئىتتىپاقلىقىغا ۋە دۆلەتنىڭ بىرلىكىگە بۇزغۇنچىلىق قىلىدىغان سۆزلەرنى قىلماسلىق؛ مىللىي بۆلگۈنچىلىك پائالىيەتلىرى بىلەن شۇغۇللانماسلىق قاتارلىقلاردىن ئىبارەت بولۇپ، بۇ بەلگىلىمە بىلەن بىللە تارقىتىلغان ئۇقتۇرۇشتا يەنە، ئوقۇغۇچىلارنىڭ بۇ بەلگىلىمىلەرنى يادقا بىلىشى ھەم ئۆز ئەمەلىيىتىدە ئىجرا قىلىشى تەلەپ قىلىنغان.

سىننا، سۇخو قاتارلىق تور بېكەتلىرىدىكى نارازىلىق ئىنكاسلىرىدا، بۇ بەلگىلىمىلەرنىڭ خىتاينىڭ دۆلەت قانۇنىدا بەلگىلەنگەن «خىتاي پۇقرالىرىنىڭ دىنغا ئىشىنىش ھەم دىنغا ئىشەنمەسلىك ئەركىنلىكى بار» دېگەن قانۇنىي بەلگىلىمىنى ئوچۇق-ئاشكارا ئاياق-ئاستى قىلىدىغان قىلمىش ئىكەنلىكى تەكىتلىنىپ، نۆۋەتتە ئۇيغۇرلارنىڭ ئەڭ ئەقەللىي كىشىلىك ھوقۇق ئەركىنلىكلىرىدىنمۇ مەھرۇم قىلىنغانلىقى ئىلگىرى سۈرۈلدى.