“7 Ge ruxset qilmasliq belgilimisi” naraziliq qozghidi

Uyghurbiz torining xelq'ara tor békitidiki resimlik xewerdin melum bolushiche, bu 7 belgilime: marksizmliq atizm terbiyisini qobul qilishni ret qilishqa ruxset qilmasliq؛ diniy telim-terbiye we diniy pa'aliyet bilen shughullanmasliq؛ diniy tüs alghan kiyimlerni kiymeslik؛ qanunsiz neshr buyumliri we diniy teshwiqatlarni tarqatmasliq؛ milletler ittipaqliqigha buzghunchiliq qilidighan heriketlerde bolmasliq؛ milletler ittipaqliqigha we döletning birlikige buzghunchiliq qilidighan sözlerni qilmasliq؛ milliy bölgünchilik pa'aliyetliri bilen shughullanmasliq qatarliqlardin ibaret bolup, bu belgilime bilen bille tarqitilghan uqturushta yene, oqughuchilarning bu belgilimilerni yadqa bilishi hem öz emeliyitide ijra qilishi telep qilin'ghan.

Sinna, suxo qatarliq tor béketliridiki naraziliq inkaslirida, bu belgilimilerning xitayning dölet qanunida belgilen'gen “Xitay puqralirining din'gha ishinish hem din'gha ishenmeslik erkinliki bar” dégen qanuniy belgilimini ochuq-ashkara ayaq-asti qilidighan qilmish ikenliki tekitlinip, nöwette Uyghurlarning eng eqelliy kishilik hoquq erkinlikliridinmu mehrum qilin'ghanliqi ilgiri sürüldi.