5 Айлиқ һамилиси чүшүрүветилгән аниниң пушайман вә шикайәтлири
2014.03.17
Өткән айниң 15 -күни ақсу кәлпинниң йорчи йезисида йәнә бир һамилә қәтлә қилиш вәқәси йүз бәргән. Вәқәдә 40 яшлиқ ана хәйриниса мамутниң 5 айлиқ һамилиси мәҗбури чүшүрүветилгән.
Идарә башлиқи вә наһийә рәһбәрлириниң тинимсиз бесим ишлитиши билән дохтурханиға беришқа мақул болған ана, өлтүрүлгән һамилиниң пүтүн бир адәм сияқидики чирай вә бәдинини көргәндин кейин йүрики техиму ечишқан. Һамилиси чүшүрүветилгинигә бүгүн дәл 30 күн болғанда хәйриниса мамут, бүгүн радиомиз зияритини қобул қилип, чүшүрүветилгән бовиқиниң чирайиниң көз алдидин кәтмәйватқанлиқини, күн өткәнсери өзини җинайәтчидәк һес қилип йүрикиниң азаблиниватқанлиқини баян қилди.
У йәнә дохтурханидин чиққандин кейин әслидә мәркизи һөкүмәтниң чоң айлиқ һамилини чүшүрмәслик һәққидә мәхсус уқтуруши барлиқини уққандин кейин, кәлпин наһийисидики рәһбәрлиригә болған наразилиқ туйғуси ғәзәп-нәпрәткә айланған.
Тәпсилатини юқиридики аваз улинишидин аңлиғайсиләр.