Anining xitabi: “Biz silerni hayat qélishinglar üchünla emes, Uyghurdek yashalishinglar üchün chet'ellerge yolgha salduq

5-Iyul ürümchi weqesi we uningdin kéyin xitay hökümitining Uyghurlargha qarita élip barghan keng kölemlik tutqun qilish basturush heriketliri, xitaylarning kemsitish we öch élish xaraktérdiki hujumlirigha shahit bolghan yash Uyghur ata-anilar yéqinqi yillardin buyan bar amallar bilen, etiwarliq balilirini chet'ellerge chiqirishqa bashlidi.

Yéqinqi ikki üch yil ichide amérika, yawropadiki erkin döletlerge chiqiwatqan yash bir ewlad Uyghurlarning sanimu az emes, emma ulardin chet'ellerde dawam qiliwatqan Uyghur herikitige awaz qoshuwatqanlar unche yuqiri nisbetni igilimeywatqanliqi melum, bu ehwal yéqinda balisini yoqlash üchün amérikigha kelgen nuriman xanimning diqqitini tartqan bolup, u özlükidin radi'omiz bilen alaqiliship, 5-iyuldek paji'elerni béshidin kechürgen we xitay wehimisi seweblik balisini chet'elge chiqirishqa mejbur bolghan bir ana bolush süpiti bilen, chet'ellerdiki Uyghur ewladlirigha özining we özige oxshash Uyghur ata-anilarning tileklirini yetküzüsh mejburiyiti barliqini bildürdi.

Yuqiridiki awaz ulinishidin tepsilatini anglighaysiler.