Memet toxti ependi: Uyghurlar din bilen sen'et munasiwitini toghra bir terep qilip kelgen, xitayning yéteklishige hajet yoq

Melum bolushiche, Uyghur rayonidiki bir qisim yash diniy zatlar bezi chaghlarda kishilerning toy-tökünlerde neghme-nawa qilishini tosmaqta, xitay hökümiti bolsa mexsus höjjet chüshürüp toy-tökünlerni neghme-nawa bilen ötküzüshning Uyghurlarning milliy örp-aditi ikenlikini ilgiri sürüp, kishilerni naxsha, usulgha righbetlendürmekte.

Bu zitliq heqqide pikir bayan qilghan siyasiy közetküchi memet toxti ependi, Uyghurlarning tarixtin buyan din bilen sen'etning munasiwitini toghra bir terep qilip kelgenlikini otturigha qoydi we bu jehette Uyghurlarning xitayning yéteklishige hajiti yoqluqini ilgiri sürdi. U yene Uyghur jem'iyitide nöwette yüz bériwatqan paji'elerni nezerde tutqan halda bir türküm yash diniy zatlarning kishilerni neghme-nawadin tosushinimu toghra chüshinishke bolidighanliqini bayan qildi.