Xitay Uyghur mötiwerlirige mejburiy dölet marshi oqutqan

Ixtiyariy muxbirimiz pida'iy
2016-10-26
Élxet
Pikir
Share
Print
Kimliki éniq bolmighan Uyghur moysipitlirining xitayning dölet marshini omumiy xor sheklide oquwatqan körünüshi.
Kimliki éniq bolmighan Uyghur moysipitlirining xitayning dölet marshini omumiy xor sheklide oquwatqan körünüshi.
Social Media

Ötken hepte ijtima'iy uchur wasitiliride kimliki éniq bolmighan Uyghur moysipitlirining xitay dölet marshini omumiy xor sheklide oqughanliqi eks ettürülgen bir qisqa filim tarqaldi.

Bu hal chet'ellerdiki Uyghurlarda yene bir munazire témisigha aylinip, türlük köz qarashlar qanat yaydi. Jümlidin gollandiyede yashawatqan Uyghurlar bu heqte ziyaritimizni qobul qilip, bu weqe munasiwiti bilen könglidin kechkenlirini radiyo anglighuchilirimiz bilen ortaqlashti.

Ziyaritimizni qobul qilghan eysa sawut qarajim, abduraxman qarajim, abdusalam ghéni we hüseyin tejelli ependilerning ilgiri sürüshiche, bu filimda eks ettürülgen körünüshlerni Uyghur ammisining ménge yuyush herikitige chektin ashqan derijide mejburliniwatqanliqining ipadisi déyishke bolidiken.

Biz mezkur filimning qeyerde, qachan we qandaq tartilghanliqini sürüshte qilghan bolsaqmu, bu heqte bir jawabqa érishelmiduq. Hazirche "Uyghur moysipitlirige dölet marshini oqutush" qilmishi Uyghur élining bashqa yerliridimu yolgha qoyulghan-qoyulmighanliqi melum emes. Emma, xitay hökümitining ilgiri Uyghur hersahe mötiwerlirini "Kichik alma usuli" oynashqa, Uyghur yashlirini bolsa tansa, itot we chong meydanlarda teyji gumpisi oynashqa sélish arqiliq Uyghur moysipitlirining obrazini xunükleshtürüshke urun'ghandin bashqa, Uyghur yashlirinimu milliy kimliktin yiraqlashturushqa tirishqanliqi ashkarilan'ghan idi.

Toluq bet