Zorawanliqqa qarshi radikal partiye yighinida Uyghurlar mesilisi tonushturuldi

Ixtiyariy muxbirimiz ekrem
2017-10-31
Share
dolqun-eysa-rim-yighin.jpg Dolqun eysa ependi zorawanliqqa qarshi radikal partiyining ilmiy muhakime yighinida. 2017-Yili 28-öktebir, rim.
RFA/Ekrem

Zorawanliqqa qarshi radikal partiyining 27-29-öktebir rimda chaqirilghan ilmiy muhakime yighinigha Uyghurlargha wakaliten d u q bash katipi dolqun eysa qatniship söz qildi.

Italiye paytexti rimda 27-29-öktebir künliri "Zorawanliqqa qarshi radikal partiye muhakime yighini" bolup ötken. Yighinni merkizi rimdiki "Xelq'ara zorawanliqqa qarshi radikal partiye" teshkilligen. Yighin'gha 20 din artuq dölettin 150 etrapida siyasiyonlar, kishilik hoquq pa'aliyetchiliri we dölet erbabliri qatnashqan.

Uyghurlargha wakaliten bu yighin'gha d u q bash katipi dolqun eysa ependi teklip qilin'ghan bolup, u 30-öktebir küni yighindin qaytip kelgendin kéyin ziyaritimizni qobul qilip, bu heqte bezi melumatlar bilen teminlidi.

Bu yighinning asasiy témisi؛ térrorizmgha qarshi küresh qanat yéyiwatqan weziyette, döletni qanun bilen idare qilish mesililiri, qanun bilen idare qilishning asasiy prinsipliri, urush, acharchiliq, ussuzluq, kembeghellik mesililiri we uni hel qilishning chariliri, adalet, erkinlikning cheklinishi, türmidiki insanlarning ehwalliri, medeniyet we qimmet qarashlar toqunushi, étiqad erkinlikining cheklimilerge uchrishi, b d t we yawropa parlaméntining xizmet prinsipliri qatarliq keng sahelerni öz ichige alghan.

Dolqun eysa ependi bu qétimqi yighinda ikki qétim söz qilish pursitige érishken bolup, döletni qanun bilen idare qilish témisida sözligende, xitayning qanun döliti bolushtin köp uzaqta ikenlikini, xitayni shi jinping rehberlikidiki mustebit bir partiyening idare qiliwatqanliqini ilgiri sürgen.

Dolqun eysa ependi sözide yene, xitay dölitining gherb démokratik ellirining qanun sistémisigha qeder tesir körsitishke urunuwatqanliqini tilgha élip, özining italiyede we b d t yighinlirida cheklimilerge yoluqqanliqini misal keltürgen.

Yighin qatnashchiliri xitay dölitining nöwettiki weziyiti üstidimu tehliller élip barghan. Bezi mutexessisler shi jinping hökümranliqidiki xitayda kishilik hoquqning her sahelerde éghir depsendichilikke uchrawatqanliqini, xitaydiki kishilik hoquq weziyitining künséri yamanliship bériwatqanliqini otturigha qoyushqan.

29-Öktebir küni diniy étiqad erkinliki témisi muzakirige qoyulghanda dolqun eysa ependi yene bir qétim söz élip, Uyghurlarning étiqad erkinlikining cheklinish mesilisini küntertipke keltürgen.

30-Öktebirgiche, dolqun eysa ependi yawropa, amérika, afriqa we asiya elliridin kelgen birqisim muhim erbablar bilen ayrim-ayrim körüshüp, Uyghurlar mesilisini anglatqan we ular bilen alaqe qurushqa asas salghan. Bu, dolqun eysa ependining bundin 4 ay ilgiri italiye saqchiliri teripidin tutulup 4 sa'et soraq qilinip qoyup bérilgendin kéyin, tunji qétim italiyede xelq'araliq chong yighinda söz qilishi bolup hésablinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet