Рабийә қадир ханим башчилиқидики д у қ һәйити голландийәдә муһим учришишларни елип барди

Ихтиярий мухбиримиз әркин тарим
2014.06.10
gollandiye-rabiye-duq-sozde-305.jpg Голландийидики уйғурлар д у қ вәкиллири билән елип барған очуқ йеғин сөһбитидә рабийә қадир ханим сөз қилди. 2012-Йили 19-январ.
RFA/Pidaiy

Д у қ рәиси рабийә қадир ханим, муавин рәис сейит түмтүрк қатарлиқлар голландийәниң амстердам шәһиригә җәм болуп, голландийәдики мунасивәтлик идарә җәмийәт вә аммиви тәшкилатлар билән учришип уйғур мусапирлар мәсилиси тоғрисида музакирә елип барған.

6-Айниң 9-күни елип берилған бу учришишларда нуқтилиқ һалда дуняниң һәрқайси җайлирида қейин әһвалда яшаватқан уйғур мусапирлар тоғрисида музакирә елип берилғандин сирт, рабийә ханим уйғурларниң һазирқи вәзийити тоғрисидиму мәлумат бәргән.

Д уқ рәиси рабийә қадир ханимниң радиомизға бәргән мәлуматиға асасланғанда, д у қ ниң бир гуруппа рәһбири германийәниң мюнхен шәһиридә учришиш елип барғандин кейин, шевитсарийәниң җәнвә шәһиригә берип, бирләшкән дөләтләр тәшкилатида учришиш вә йиғинларға қатнишидикән.

Рабийә қадир ханим ахирида қәйсәридә өткүзүлидиған 2-нөвәтлик дуня уйғур яшлири путбол мусабиқисигә қатнишидиған путболчиларға мувәппәқийәт тиләш билән биргә бу мусабиқиниң өткүзүлүшкә күч чиқарған тәшкилат вә шәхсләргә д у қ намидин рәһмәт ейтти.

Сөһбәтниң тәпсилатини юқиридики аваз улинишидин аңлаң.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.