Rabiye qadir xanim bashchiliqidiki d u q hey'iti gollandiyede muhim uchrishishlarni élip bardi

D u q re'isi rabiye qadir xanim, mu'awin re'is séyit tümtürk qatarliqlar gollandiyening amstérdam shehirige jem bolup, gollandiyediki munasiwetlik idare jem'iyet we ammiwi teshkilatlar bilen uchriship Uyghur musapirlar mesilisi toghrisida muzakire élip barghan.

6-Ayning 9-küni élip bérilghan bu uchrishishlarda nuqtiliq halda dunyaning herqaysi jaylirida qéyin ehwalda yashawatqan Uyghur musapirlar toghrisida muzakire élip bérilghandin sirt, rabiye xanim Uyghurlarning hazirqi weziyiti toghrisidimu melumat bergen.

D uq re'isi rabiye qadir xanimning radi'omizgha bergen melumatigha asaslan'ghanda, d u q ning bir guruppa rehbiri gérmaniyening myunxén shehiride uchrishish élip barghandin kéyin, shéwitsariyening jenwe shehirige bérip, birleshken döletler teshkilatida uchrishish we yighinlargha qatnishidiken.

Rabiye qadir xanim axirida qeyseride ötküzülidighan 2-nöwetlik dunya Uyghur yashliri putbol musabiqisige qatnishidighan putbolchilargha muweppeqiyet tilesh bilen birge bu musabiqining ötküzülüshke küch chiqarghan teshkilat we shexslerge d u q namidin rehmet éytti.

Söhbetning tepsilatini yuqiridiki awaz ulinishidin anglang.