D u q re'isi osloda “Xitayning Uyghurlargha qaratqan hujumi” namliq yighinda nutuq sözlidi

Ixtiyariy muxbirimiz ekrem
2019.02.05
Share on WhatsApp
Share on WhatsApp
dolqun-eysa-oslo-yighin.jpg D u q re'isi dolqun eysa ependi “Rafto kishilik hoquq fondi”, “Norwégiye qelemkeshler jem'iyiti” we “Norwégiye Uyghur komitéti” birlikte uyushturghan “Xitayning Uyghurlargha qaratqan hujumi” namliq yighinda nutuq sözlidi. 2019-Yili 4-féwral, oslo, norwégiye.
RFA/Ekrem

D u q re'isi “Rafto kishilik hoquq fondi”, “Norwégiye qelemkeshler jem'iyiti” “Norwégiye Uyghur komitéti” ning birleshme yighinigha qatnashti.

2-Féwraldin étibaren norwégiye paytexti oslodiki ziyaritini bashlighan d u q re'isi dolqun eysa ependi 4-féwral küni “Rafto kishilik hoquq fondi”, “Norwégiye qelemkeshler jem'iyiti” we “Norwégiye Uyghur komitéti” birlikte uyushturghan “Xitayning Uyghurlargha qaratqan hujumi” namliq yighinda nutuq sözleshtin ilgiri, norwégiyede bir qatar pa'aliyetlerni élip barghan.

“Norwégiye Uyghur komitéti” ning re'isi bextiyar ömer ependining bildürüshiche, d u q re'isi dolqun eysa ependi 3-we 4-féwral künliri norwégiye hökümet da'iriliri bilen uchrashqandin sirt norwégiyediki bir qisim kishilik hoquq teshkilatlirini ziyaret qilip, Uyghurlar mesilisi üstide söhbetlerde bolghan. “Norwégiye Uyghur komitéti” ning mes'ulliridin xelchem memtimin xanim teminligen uchurgha asaslan'ghanda, d u q re'isi dolqun eysa ependi osloda yene Uyghur jama'iti bilen didarliship, d u q ning xizmetliridin melumatlar bergen.

4-Féwral küni osloda “Xitayning Uyghurlargha qaratqan hujumi” namliq yighin ötküzülgen. Bextiyar ömer ependining bayan qilishiche, yighin'gha her millettin bolghan köp sanda kishi qatnashqan we Uyghurlarning nöwettiki échinishliq weziyiti toghrisida doklatlar anglighan.

D u q ijra'iye komitétining mu'awin re'isi semet abla ependining eskertishiche, “Xitayning Uyghurlargha qaratqan hujumi” namliq yighinda Uyghur diyaridiki jaza lagérliri mesilisi asasiy téma bolghan. D u q re'isi dolqun eysa bashliq bir qisim muhim erbablar doklatlar bergen. Uning bildürüshiche, bu qétimqi doklat teqdim qilish pa'aliyiti nahayiti netijilik ötküzülgen.

D u q re'isi dolqun eysa ependining norwégiyediki 3 künlük ziyariti netijilik axirlashqan. U bügün bashqa dölettiki pa'aliyetler üchün seperlirini bashlaydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.