Rabiye qadir xanim yaponiye sepiri heqqidiki bezi inkaslargha jawab qayturdi

Ixtiyariy muxbirimiz haji qutluq qadiri
2016.05.16
musapirlar-mesilisi-yighin-rabiye-xanim.jpg D u q re'isi rabiye qadir xanim bérlinda chaqirilghan Uyghur musapirlar mesilisi yighinida soz qilmaqta. 2016-Yili 24-aprél, myunxén.
RFA/Qutluq

Dunya Uyghur qurultiyining re'isi rabiye qadir xanimning 24-maydin bashlap yaponiyede élip baridighan ziyariti heqqide yaponiye tor betliride türlük inkas we mulahiziler yürgüzülgen bolup, biz bu heqte bir qisim jawabqa ige bolush üchün rabiye qadir xanim bilen téléfon söhbiti élip barduq.

Dunya Uyghur qurultiyi re'isi rabiye qadir xanim bashchiliqidiki wekiller ömikining 24-maydin bashlap yaponiyede ziyarette bolidighanliqi toghrisidiki xewerler yaponiye tor betliride taralghandin kéyin, bir qisim siyasiy közetküchiler rabiye qadir xanimning bu qétimqi yaponiye sepirini tibetning rohaniy dahiysi dalay lamaning yaponiyede élip barghan bir qanche künlük ziyaritidin kéyinla élip bérilidighan ziyaret bolghachqa, dalay lama bilen rabiye qadir xanimning yaponiye ziyaritini belkim, yaponiye hökümiti yaponiyede 26-may bashlinidighan tereqqiy qilghan yette dölet yighini mezgilige meqsetlik halda orunlashturghan bolushi éhtimalliqqa yéqin dep qarighan we bu heqte bir qisim siyasiy mulahizilerni yürgüzgen.

Téléfon ziyaritimizni qobul qilghan dunya Uyghur qurultiyining re'isi rabiye qadir xanim tibetning rohaniy dahiysi dalay lama bilen özining yaponiye sepiri heqqide toxtilishtin ilgiri aldi bilen dalay lamaning 9-may osakada yaponiye döletlik téléwiziye qanili n h k ning ziyaritini qobul qilghanda tibet mesilisi heqqide bergen bezi bayanliri toghrisida toxtilip bu heqte özining qarashlirini bildürdi.
Rabiye qadir xanim sözide dalay lama bilen özining yaponiye sepiri heqqide toxtaldi.

42-Qétimliq tereqqiy qilghan yette dölet rehberliri yighini 26-may bashlinishtin bir kün ilgiri, dunya Uyghur qurultiyi re'isi rabiye qadir xanimning 25-may tokyoda chet'el muxbirlirigha axbarat élan qilish merkizide xelq'ara metbu'atlargha nöwettiki Uyghur mesilisi toghrisida axbarat élan qilish yighini chaqirishi toghrisidimu yaponiye tor betliride türlük inkaslar otturigha qoyulghan. Köpligen yaponlar rabiye qadir xanimning xelq'ara jem'iyetke Uyghur mesiliside asasliq némeler toghrisida muraji'et qilidighanliqi heqqide munaziriler élip barghan bolup, rabiye qadir xanim bu xil inkaslargha jawab bérip ötti.

Rabiye qadir xanimning bildürüshiche,27-may amérika prézidénti barak obama ikkinchi dunya urushi mezgilide atom bombisi tashlan'ghan yaponiyening hiroshima shehiride ziyarette bolghan künde, dunya Uyghur qurultiyi re'isi rabiye qadir xanim tokyoda xitayning yadro sinaqlirining zerbisige uchrighan Uyghurlar mesilisi toghrisida doklat sözleydiken.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.