D u q yawropa birlikining yéngidin saylan'ghan hey'etlirini tebriklidi

Ixtiyariy muxbirimiz ekrem
2014.06.05
yawrupa-sherqiy-turkistan-birliki-enwerjan.JPG Yawropa sherqiy türkistan birliki teshkilatining re'isi enwerjan bu yilliq noruz pa'aliyitide. 2013-Yili 31-mart myunxén
RFA/Ekrem

Yawropa birlikining Uyghur milliy herikiti üchün muhim bir siyasiy sehne ikenlikini tekitligen d u q ning yawropa parlaméntidiki wekili enwerjan ependi, yawropa birlikining omumiy saylimi axirlishishi bilenla qurultay namidin tebrik mektupi yollap, yawropa birliki yéngi rehberlirini qutluqlighan we yawropa birlikige mexsus ziyaret orunlashturghan.

D u q ning yawropa parlaméntidiki wekili, yawropa sherqiy türkistan birliki teshkilatining re'isi enwerjan ependi 5-ayning 25-künliri tamamlan'ghan yawropa birlikining omumiy saylimidin kéyinla qurultay namidin tebrik mektupi yollap, yawropa komissiyoni, yawropa parlaménti we yawropa birliki kishilik hoquq kéngishige wezipige teyinlen'gen yéngi rehberlik hey'etlirini Uyghurlar namidin mubarekligen hemde aldimizdiki heptige mexsus ziyaret orunlashturup, yéngi rehberler bilen yüzturane uchrishishni küntertipke qoyghan.

Eniwerjan ependining bildürüshiche, hazirgha qeder Uyghurlarning birqanche qétimliq xelq'araliq yighinliri yawropa parlaméntida ötküzülgen. Yawropa parlaménti üchün Uyghurlar mesilisi natonush téma emes. Yawropa parlaménti teripidin ilgiri qeshqer qedimiy shehirining chéqilishigha qarshi xitayni agahlanduridighan qararlarmu qobul qilin'ghan. Eniwerjan ependi söhbitimiz dawamida, yawropa parlaméntining Uyghur milliy dewasidiki ehmiyiti toghriliq qarashlirini izhar qildi. U sözide, Uyghurlar mesilisini yawropa birlikige yaxshi chüshendürüsh arqiliq, xitaygha bésim ishlitish we xelq'ara jem'iyetning Uyghurlargha bolghan hésdashliqini yenimu kücheytish meqsitige yetkili bolidighanliqini tekitlidi. Enwerjan ependi sözining xatimiside, özining aldimizdiki heptide yawropa birlikide élip baridighan ziyaretliri heqqide toxtaldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.