Yaponiye bash weziri yardemchisi bilen d u q ning mu'awin re'isi söhbette boldi

D u q hey'iti yaponiye bash weziri shinzo abéning yardemchisi éto séyji ependi bilen. 2017-Yili 15-féwral, tokyo.

11-Féwraldin bashlap yaponiyede ziyarette boluwatqan d u q hey'iti 15-féwral yaponiye parlaméntida Uyghur milliy herikitining rehbiri rabiye qadir xanimning Uyghur mesililiri boyiche doklat bérish pa'aliyitige qatnashqan.

Pa'aliyettin kéyin, dunya Uyghur qurultiyining mu'awin re'isi séyit tümtürk yaponiye bash weziri shinzo abéning yardemchisi éto séyji ependi bilen söhbette bolup, sherqiy jenubi asiya elliridiki türmilerde tutup turuluwatqan Uyghurlar we türkiyening qeyseri shehiridiki Uyghur musapirlar mesilisi toghrisida söhbetleshken.

Bu qétimi söhbetke yene, dunya Uyghur qurultiyining mu'awin re'isi ümid xemit we yaponiye Uyghur birliki teshkilatining re'isi turmuhemmet hashim qatarliqlar ishtirak qilghan.

Mezkur söhbettin kéyin, ixtiyariy muxbirimiz haji qutluq qadiri dunya Uyghur qurultiyining mu'awin re'isi séyit tümtürk, ümid xemit we yaponiye Uyghur birliki teshkilatining re'isi turmuhemmet hashimlar bilen bu heqte söhbet élip bardi.