Dunya Uyghur qurultiyi rehberliri washin'gtonda yighin chaqirip xizmet pilani tüzüp chiqti

Ixtiyariy muxbirimiz erkin tarim
2013.11.14
duq-rehber-washington-yighin.JPG Dunya Uyghur qurultiyi rehberliri yighin chaqirip xizmet pilani tüzüp chiqti. 2013-Yili 11-noyabir, washin'gton.
RFA/Erkin Tarim

1933- We 1944-yilliri qurulghan sherqiy türkistan jumhuriyetliri künini xatirilesh üchün amérikigha kelgen d u q ning bezi rehberliri 11-noyabir küni amérikining paytexti washin'gtonda bir yerge jem bolup xizmet pilani tüzüp chiqti.

D u q re'isi rabiye qadir xanimning riyasetchilikide ötküzülgen yighin'gha, d u q ijra'iye komitéti mudiri dolqun eysa, mu'awin re'islerdin ilham mexmut, esqer jan, ümid agahi, ömer qanat we musapirlar komitéti mudiri xeyrullah efendigil ependiler qatnashti.

Yighinda nuqtiliq halda bu yil axiridin 2014-yilining aldinqi yérim yilliq pilani tüzüp chiqildi. Buningda 12-ayning otturilirida bélgiyening paytexti biryuséldiki yawropa parlaméntida Uyghur mesilisi toghrisida yighin chaqirish, 3-ayda birleshken döletler teshkilatida chaqirilghan insan heqliri yighinigha qatnishish üchün teyyarliq xizmetlirini ching tutush, bulardin bashqa yene dunya Uyghur qurultiyigha eza teshkilatlarning saylamlirigha közetküchi ewetish we kéler yili Uyghur yash-ösmürler putbol musabiqisi ötküzüsh dégen'ge oxshash xizmetler toghrisida muzakire élip bérildi hemde qararlar maqullandi. Shundaqla yene d u q da saqliniwatqan teshkiliy mesililer toghrisidimu muzakire élip bérildi.

Yuqiridiki awaz ulinishidin yighinning tepsilatini anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.