Ursula xanim: xitayning herbiy xirajitidin xelqni basturush xirajiti köp

Ixtiyariy muxbirimiz haji qutluq qadiri
2016-01-22
Élxet
Pikir
Share
Print
Uyghurlar toghrisida yazghan maqalisi xelq'ara metbu'atlarda élan qilin'ghan, firansiyelik muxbir ursula gotiyir xanim xitaydin qoghlinishning aldida xitaydiki turalghusida xizmet qiliwatqan körünüsh. 2015-Yili 26-dékabir, béyjing.
Uyghurlar toghrisida yazghan maqalisi xelq'ara metbu'atlarda élan qilin'ghan, firansiyelik muxbir ursula gotiyir xanim xitaydin qoghlinishning aldida xitaydiki turalghusida xizmet qiliwatqan körünüsh. 2015-Yili 26-dékabir, béyjing.
AFP

Firansiye döletlik radi'o istansisi muxbir ursula xanim bilen Uyghurlar heqqide mexsus bir sa'etlik söhbet programmisi élip barghan. Programmigha ursula xanimdin bashqa yene xitaydiki milletler mesilisi tetqiqatchiliridinmu ikki nepiri qatnashqan.

Firansiye Uyghur jem'iyitining re'isi erkin ablimitning bildürüshiche, bir sa'etlik etigenlik radi'o söhbet programmisida muxbir ursula xanim aldi bilen özining xitay hökümitining tenqidige uchrash ehwali we Uyghurlar toghrisida élan qilghan maqalisi heqqide toxtalghan.

Uning éytishiche, radi'o söhbet programmisida ursula xanim Uyghurlarning medeniyiti we tarixiy toghrisidimu tepsiliy toxtilip ötken.

Erkin ablimitning déyishiche, söhbet programmisi dawamida muxbir ursula xanim xitayning herbiy xirajetke ajratqan iqtisadidin xelqni basturush we ularning méngisini yuyush üchün ajratqan iqtisadiy xirajitining köplükini ilgiri sürgen.

Muxbir ursula xanimning mezkur radi'o programmisidin kéyin ziyaritimizni qobul qilghan uzun yillar xitayda oqush we tetqiqat ishliri bilen shughullan'ghan firansiyelik xitay ishliri tetqiqatchi kodérik xanim bu heqte özining qarashlirini bayan qildi.

U:"Ursula xanim xitayda 16 yilliq xizmet tejribisige ige muxbirlirimizdin biri. U ishlewatqan zhurnalmu firansiyediki nopuzluq zhurnallardin biri. 'biz ursula xanim paji'esidin némilerni biliwélishimiz kérek?' dégende, xitayda erkinlik üchün söz qilghan herqandaq insan jinayetchi hésablinidu. Xitay siyasitining mahiyitini dunyagha ashkarilaydighan 'b b s', 'nyu-york waqti géziti' dégendek taratqularning hemmisi xitay üchün düshmen bolidu" dédi.

U, yene: "Emeliyetni sözligen chet'elliklerning teqdiri xitayda bu xil aqiwetlerge duchar boluwatqan yerde, sherqiy türkistanda heqni sözligen Uyghurlarning teqdiri néme bolmaqchi?" dep sözini axirlashturdi.

Radi'o programmisidin kéyin, firansiyediki kishilik hoquq pa'aliyetchisi deyni ziyaritimizni qobul qilip:"Muxbir ursula xanim mesilisi bilen teng Uyghur mesilisi firansiyede keng anglitiliwatidu. Firansiye hökümiti xitaydiki kishilik hoquq mesilisining neqeder nacharliqini buningdin toluq chüshiniwélishi we buninggha köngül bölüshi kérek" dédi.

Yuqiriqi awaz ulinishidin tepsilatini anglang.

Toluq bet