Firansiye Uyghur jem'iyiti bashqurush hey'itini yéngidin saylap chiqti

Ixtiyariy muxbirimiz erkin tarim
2013.12.16

Yawropadiki sherqiy türkistan ammiwi teshkilatliri 14-15-dékabir künliri arqa-arqidin saylam ötküzüp, bashqurush hey'etlirini yéngidin saylap chiqti. Bu teshkilatlardin biri firansiye Uyghur jem'iyitidur.

Firansiyening paytexti parizh sheherlik hökümet binasining ichidiki zalda ötküzülgen saylamgha parizh we bashqa sheherlerde yashawatqan 80 etrapida Uyghur yash qatnashqan bolup, erkin ablimit ependi jem'iyetning re'islikige saylandi. Démokratiyelik usulda, dostluq ichide élip bérilghan bu saylamgha firansiyede yashawatqan Uyghurlardin bashqa yene dunya Uyghur qurultiyi re'isi rabiye qadir xanim, dunya Uyghur qurultiyi mu'awin re'isliridin ömer qanat, ümid agayi, esqerjan, dunya Uyghur qurultiyi ijra'iye komitéti mudiri dolqun eysa we d u q ning yawropa parlaméntidiki wekilliridin enwerjan qatarliq rehberler közetküchi süpitide qatnashti.

Biz saylam toghrisida téximu tepsiliy melumat élish üchün firansiye Uyghur jem'iyitining re'islikige yéngidin saylan'ghan erkin ablimit we bu saylamgha közetküchi süpitide qatnashqan dolqun eysa ependiler bilen téléfon söhbiti élip barduq.

Erkin ablimit ependi, Uyghurlarning bügünki échinishliq weziyitining özini bu dewagha bashlap kirgenlikini, pütün küchi bilen Uyghurlarning weziyitini firansiye jama'etchilikige chüshendürüshte tirishidighanliqini bayan qildi. Dolqun eysa bolsa Uyghur dewasining firansiyede bek muhimliqi, chünki firansiyening b d t diki 5 da'imiy ezaning biri ikenlikini bayan qilip ötti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.