Уйғур вәкиллири германийә һөкүмәт хадимлири билән учрашти

Ихтиярий мухбиримиз әкрәм
2015-11-24
Share
umit-agahi-esqerjan-germaniye-parlament.jpg Д у қ муавин рәиси үмид агаһи вә әсқәрҗан германийә парламентида. 2015-Йили 24-ноябир.
RFA/Ekrem

Уйғур вәкиллири германийәдә һакимийәт бешида туруватқан үч чоң партийиниң тәклипи билән берлинға берип, парламент бинасида уйғурлар тоғрилиқ муһим сөһбәтләр елип барған.

24-Ноябир германийә парламентида үч чоң партийиниң юқири дәриҗилик рәһбәрлири билән уйғурлар мәсилиси үстидә сөһбәт өткүзгән д у қ муавин рәиси үмид агаһи вә әсқәрҗанларниң берлиндин бәргән мәлуматиға асасланғанда, бу қетимқи сөһбәтниң муһим темиси хитайниң париждики террорлуқ вәқәсидин пайдилинип уйғурларни хәлқара террорға бағлап бастурушқа урунуш мәсилиси, илһам тохти мәсилиси, тайландтики 59 уйғур мусапирниң мәсилиси вә уйғур дияриниң нөвәттики вәзийити болған.

Бу қетимқи учришиш германийә парламентида охшаш болмиған бөлүмләрдә, охшаш болмиған дөләт хадимлири билән елип берилған. Һакимийәт бешидики христиан демократлар партийиси инсан һәқлири комитетиниң мәсули, 40 дөләт парламент әзалиридин тәшкил тапқан диний ишлар комитетиниң германийәдики вакаләтчиси, өз нөвитидә германийә парламентиниң әзаси михаил бранд, германийәдики сотсиял демократлар партийиси вә христиан сотсиял партийисиниң вәкиллиридин мартен патзелт, анҗилика ханим қатарлиқ юқири дәриҗилик хадимлар уларни күтүвалған.

Зияритимизни қобул қилған д у қ рәһбәрлиридин үмид агаһи вә әсқәрҗанлар бу учришишниң бәзи мәзмунлирини ашкарилиди вә бәзи мәзмунлирини ашкарилашқа болмайдиғанлиқини әскәртти. Нәтиҗә итибари билән, бу қетимқи учришишниң әһмийитиниң зор болғанлиқини тилға елишти.

Юқириқи аваз улинишидин бу программиниң тәпсилатини аңлайсиз.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт