Үрүмчидә ечиливатқан икки йиғин давамида қәйсәр ана-патигүл ғулам йәнә нәзәрбәнд қилинди

Мухбиримиз шөһрәт һошур
2014.01.16
Share on WhatsApp
Share on WhatsApp
patigul-ghulam.jpg Ғайиблардин имаммәмәт елиниң аниси патигүл ғулам.
RFA

Үрүмчидә дүшәнбә күнидин башлап ечиливатқан аптоном районлуқ сиясий кеңәшниң 11-нөвәтлик, хәлқ қурултийиниң 12-нөвәтлик иккинчи омумий йиғинлири сәвәблик уйғур районида бихәтәрлик нуқтисидин тәһдит дәп қаралған кишиләр йәнә бир қетим омумйүзлүк тәқиб вә нәзәрбәнд астиға елинди.

Мана булардин бири, ғайиб оғлиниң из-дерикини қилиш җәрянида бир қетим 7 күнлүк қамақ җазасиға учриған вә көп қетимлап хитай сақчилириниң зораванларчә сорақлириға дуч кәлгән, әмма йолидин янмиған қәйсәр ана патигүл ғуламдур. У бүгүнму йәнә нәзәрбәнд астида туруқлуқ хитайниң үрүмчидә ечиливатқан икки йиғин мәзгилидики зораванлиқлирини радиомизға паш қилди вә шикайәт қилди.

Патигүл ханим икки йиғин ечилиштин бирқанчә күн аввал, йиғин мәйданиға бармаслиқ һәққидә агаһландурулған; әмма өзигә охшаш дәрдмән анилардин айпаш, туқиз қатарлиқлар билән бирликтә икки йиғин ечиливатқан орундики әрзийәт бөлүминиң алдиға барған. Улар әрзийәт бөлүмидә әрзийәт хадимлирини учратмиған, униң әтрапида қәшқәрдин кәлгән 20-30 чә әрздарларни учратқан. Булар асасән йәр-земин даваси билән әрз қилип кәлгәнләр болуп, уларму аталмиш хәлқ вәкиллиригә дәрдини ейтивелиш вә яки әрзийәт хадимлириға шикайәт қилиш мәқситигә йетәлмигән. Хитай қораллиқ қисимлириниң тосуши билән йиғин мәйданиға йеқинлишалмиған әрздарлар бир-биригә дәрд ейтишқан вә хитай һөкүмитини сөкүп шикайәт қилишқан.

Патигүл ханим сәйшәнбә күнидин башлап һәм ағриқ сәвәби, һәм қорудики сақчиларниң назарәт қилиши вә өй ичигә кирип йәнә тәһдит селиши сәвәблик өйдин сиртқа чиқалмиған. Патигүл ханим өзигә тәһдит салған сақчиларға бурунқидәкла аччиқ тиллар билән дәккә берип, уларни өйидин қоғлап чиқарған.

Вәқәниң тәпсилатини юқиридики аваз улинишидин аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.