Guma pichaqliq hujumi seweblik Uyghur kadirlardin nuriman'gül yasin bilen ablikim turek jazalan'ghan

Muxbirimiz shöhret hoshur
2017-03-07
Share
guma-qarshiliq-mukapat-1.jpg Guma pichaqliq hujumini bir terep qilishta xizmet körsetkenlerni mukapatlash yighinidin körünüsh. 2017-Yili 22-féwral, xoten.
Weibo

Guma weziyiti heqqidiki ilgirilep ehwal éniqlishimiz dawamida, guma pichaqliq hujumini bir terep qilishta xizmet körsetken 4 neper saqchi xadimigha 200 Ming som bilen 400 ming som arisida mukapat Bérilgenliki, hujumchilar tewe bolghan kentke mes'ul ikki Uyghur kadir - nuriman'gül yasin bilen ablikim turekke xizmettin toxtitish jazasi bérilgenliki ashkarilandi. Uyghur weziyitini közitip kéliwatqan dölet we teshkilatlar xitayni weziyetni ongshashta mukapatlash we jazalashqa tayanmay, asasliqi mesilining yiltizini hel qilishqa dewet qilghan idi.

Melumki, qanun döletliride qanliq toqunushlarni bir terep qilishta saqchilarning gumandarlarni tirik qolgha chüshürüshi, bolmidi dégende tirik qolgha chüshürüsh üchün tirishchanliq körsitishi telep qilinidu. Emma xitay da'iriliri yillardin béri, Uyghur rayonida weqe gumandarlirini neq meydanda étiwétishni teshebbus qilmaqta. 14-Féwral küni yüz bergen guma pichaqliq hujum gumandarlirimu neq meydanda étiwétilgen idi. Melum bolushiche, xitay da'iriliri, ene shu weqe gumandarlirini neq meydanda étiwetken saqchi xadimlirini neq pul bilen mukapatlighan.

Ötken yili 4-awghust küni échilghan amérika, xitay térrorluqqa qarshi hemkarliq yighinida, xitay amérikidin sherqi türkistan islam herikiti teshkilati qatarliq atalmish térrorchi teshkilatlarni jimiqturushqa yardem qilishini telep qilghan. Amérika terep bolsa, xitaydin térrorluqqa zerbe bérishte mesilining yiltizini körüshke, söz we diniy erkinlikke yol qoyup, yerlik xelqining qelbini mayil qilishqa dewet qilghan idi.

Gumidiki bir aktip partiye ezasining uchurliridin melum bolushiche, xitay terep bu qétimqi weqedimu mesilining yiltizidin özini qachurghan we katta mukapatlash we qattiq jazalash tedbiridin waz kechmigen.

Weqe heqqidiki uchurlardin melum bolushiche, nuriman'gül yasin bilen ablikim turekning weqening jeryani yaki kélip-chiqishi bilen héchqandaq alaqisi yoq. Mana bu ré'alliq ulargha bérilgen jazaning qanuniy bir höküm bilen emes, siyasiy bir qarar bilen bérilgenlikini ashkarilanmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet