Ilham toxti: “Shinjangdiki milliy mesililer we teklip”

Muxbirimiz méhriban
2015.04.30
Share on WhatsApp
Share on WhatsApp
ilham-toxti-liksiyedin-burun.jpg Ilham toxti ependi léksiyige kirishtin burun sirtni közetmekte. 2010-Yili 12-iyun béyjingda.
AFP

Uyghurlardiki ishsizliq we “Qosh tilliq ma'arip” heqqidiki teklip pikir

Türmidiki meshhur Uyghur ziyaliysi ilham toxti ependining 2013-yili 10-ay mezgilide xitay tilida yézip tamamlighan “Shinjangdiki milliy mesililer we teklip” namliq maqalisi, u tutqun qilin'ghandin kéyin, “Pillar söhbiti” namliq tor békitide élan qilin'ghan؛ mezkur maqalining in'glizche terjimisi 22-apréldin bashlap “Xitaydiki özgirish” ChinaChange.org Torida élan qilinmaqta.

Maqalide, ilham ependining xitay merkizi hökümitige qoyghan telepliridin, az sanliq milletlerning xizmet mesilisi, qosh tilliq ma'arip mesilisi, diniy mesililer, milletler qurulmisi we milliy ayrimiliq mesilisi, hökümetning az sanliq millet kadirlirigha we ziyaliylargha ishinish mesilisi, bingtu'en mesilisi qatarliq alte chong téma boyiche Uyghur élida mewjut mesililer we xitay hökümiti yürgüzüwatqan bésim siyasitige qarita teklip pikirliri bir qeder etrapliq bayan qilin'ghan.

Biz awwalqi programmimizda, bu maqale yézilishtin ilgiri yeni 2010-yili 5-ayda “Shinjang xizmet yighini” échilishtin ilgiri ilham ependi bilen eyni chaghda ötküzgen, xitay merkiziy hökümitige Uyghur mesilisi toghriliq resmiy yazma teklip sunushqa teyyarliniwatqanliqi heqqidiki söhbet xatirisini eslitip ötken iduq.

Bügünki programmimizda ilham ependining maqaliside tilgha élin'ghan Uyghur yashlirining ishsizliq mesilisi we Uyghurlargha qaritilghan “Qosh tilliq ma'arip” siyasiti heqqidiki bayanlarni diqqitinglargha sunimiz.

Ilham toxti ependi Uyghurlarning qanuniy heq-hoquqlirini telep qilip, xitay hökümitining Uyghur siyasitini ashkara tenqid qilghini üchün, 2014-yili 23-séntebir xitay hökümiti teripidin “Döletni parchilash we milliy bölgünchilikke qutratquluq qilish” jinayiti bilen eyiblinip, muddetsiz qamaq jazasigha höküm qilin'ghan idi.

Programmining tepsilatini yuqiridiki awaz ulinishidin anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.