Тохула сақчиханиси билән хотәндики йәрлик аһалиләр бир қисим мусулманчә исимларниң чәкләнгәнликини дәлиллиди

Мухбиримиз қутлан
2015.09.23
Share on WhatsApp
Share on WhatsApp
cheklengen-isim-tizimlik.jpeg Хотән қарақаш наһийәсиниң тохула йеза тохула кәнт партийә ячейкиси чиқарған “чәкләнгән исимлар тизимлики”.
Social Media

Йеқинда хотән вилайитиниң йеза-кәнтлиридә йәрлик даириләр билән сақчиханилар бирлишип хәлқниң өз пәрзәнтлиригә “муҗаһит, муслимә, сәйпидин” қатарлиқ мусулманчә исимларни қоюшини чәклигән.

Бу һәқтики бир язма уқтуруш әң дәсләп үндидар арқилиқ җамаәтчиликкә ашкара болған.

“чәкләнгән исимлар тизимлики” дәп нам берилгән бу уқтурушта оғулларға “садам, һүсәйин, арафат, муҗаһит, сәйпидин, сәйпулла, нәсрулла, шәмшидин” қатарлиқ нәччә онлиған исимларни, қизларға “муслимә, мухлисә, айшә, фатимә. Хәдичә” қатарлиқ исимларни қоюшқа болмайдиғанлиқи әскәртилгән.

Тизимлик қарақаш наһийәсиниң тохула йезисиға қарашлиқ тохула кәнт партийә ячейкиси билән аһалиләр комитети тәрипидин чиқирилған.

Биз мәзкур тизимликни чиқарған тохула йезилиқ һөкүмәт вә сақчиханиға телефон қилип буни дәлилләшкә тириштуқ.

Қарақаш наһийәсигә қарашлиқ тохула йезилиқ сақчихана бу һәқтики ички уқтурушниң тәпсилатини ашкарилашни рәт қилған болсиму, әмма йезилиқ сиясий қанун ишханисиниң ахунумларға мәхсус йиғин ечип бу һәқтә ениқ уқтуруш қилғанлиқини билдүрди.

Зияритимиз җәрянида бир сақчи хадими мунуларни ашкара қилди: “биз сақчиханида бу тизимликни сақлап қоймаптуқ, әмма йезилиқ сиясий қанун ишханиси кәнт аһалилиригә бу һәқтә ениқ уқтуруш қилған. Ахунумларғиму айрим йиғин ечип уқтурған. Хотән тәвәсидики кишиләрниң һәммиси һазир қандақ исимларни қойса болмайдиғанлиқини ениқ билиду.”

Биз бу һәқтә йәнә лоп наһийәсиниң лайқа йезилиқ сақчиханиси билән йәкәнниң качоң йезилиқ сақчиханисиға телефон қилдуқ. Улар телефонимизни қобул қилған болсиму, лекин бу һәқтики соаллиримизға җаваб беришни рәт қилди.

Ахирида нийә наһийәсиниң мәлум кәнтидики бир уйғур аял зияритимизни қобул қилип, бу уқтурушниң растлиқини дәлиллиди. У кәнт сақчисиниң буйруқи билән “муслимә” исимлик қизиниң исмини йөткәшкә мәҗбур болғанлиқини билдүрди.

Тәпсилатини аваз улиништин аңлиғайсиз.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.