Байдики көмүрканға һуҗум қилиш вәқәсиниң йәнә бир қисим тәпсилати ашкариланди

Мухбиримиз шөһрәт һошур
2015.09.24
Share on WhatsApp
Share on WhatsApp
kocha-charlash-qoralliq-saqchi-herbiy-qeshqer.jpg Коча чарлаватқан қораллиқ әскәрләр. 2014-Йили 31-июл, қәшқәр.
AFP

Мәлум болушичә, 18-сентәбир күни сәһәрдә бай наһийисидики соған көмүр кениға һуҗум қилған пидаийлар алди билән канда вәзипә өтәватқан аманлиқ хадимлири вә кан хоҗайинлириға зәрбә бәргән, арқидин улар әһвални терәк базарлиқ сақчиханиға мәлум қилип сақчиларниң вәқә мәйданиға келишини йол тосуп күткән, мәзкур сақчиханиниң бир гуруппа хадими бир сақчи аптомобили билән нәқ мәйданға йеқинлап келиватқан чеғида, пидаийлар көмүр бесилған бир йүк аптомобили билән сақчи аптомобилини соққан вә сақчиларниң аптомобил соқулуштин яриланған вә алақзадә болған пурситидин пайдилинип, сақчиларға пичақ вә калтәк билән әҗәллик зәрбә бәргән.

Пидаийлар шу мәйданда 5 сақчини өлтүргәндин кейин тәвәликтики тағ бағриға чекингән. Нөвәттә хитай қораллиқ қисимлири тағ бағрини қоршаш вә чарлаш оператсийәси елип бармақта.

Юқириқи бир қисим учур вә радиомиз хитайчә бөлүминиң байдики хитай аһалилиридин игилигән мәлуматларға қаралғанда, пидаийларниң көмүр кандики капсул вә партлатқуч сақланған амбарни қоршавға алғанлиқи мәлум, әмма пидаийларниң мәзкур амбарни немә үчүн қоршавға алғанлиқи, униңдики партлатқучларни қоллириға алған яки алмиғанлиқи, шундақла вәқә давамида бу партлатқучларни қолланған-қолланмиғанлиқи һазирчә айдиң әмәс.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.