Uyghur kadir yézidiki nuqtiliq a'ililerning intayin müshkül ehwalda ikenlikini bildürdi

Muxbirimiz erkin
2017-01-09
Share
xoten-tutqun-partlash-qarshiliq.jpg Ürümchi, yeken qatarliq jaylarda partlash yüz bergendin kéyin, xitay saqchilirining Uyghurlarni tutqun qiliwatqan körünüshi. 2014-Yili 27-may, xoten.
Oqurmen teminligen

Xitay hökümiti buningdin ikki yil awwal Uyghur élidiki aptonom rayon derijilik organlardin xizmet guruppilirini teshkillep, kadir we kespiy xadimlarni qerellik töwen'ge chüshürüshke bashlighan.

Da'iriler bu heriketke 200 ming kadirning seperwer qilinidighanliqini jakarlighan idi. Xitay hökümiti bu heriket yerlik xelqning turmush sapasini yuqiri kötürüp,, yerliktiki saqliniwatqan mesililerni hel qilish, xelqning muqimliq tonushini östürüshke yardem béridighanliqini ilgiri sürüp kelgen.

Halbuki, bu heriketke 2 yil bolup qaldi. Bu ikki yilda qandaq mesililerni hel qildi? töwen'ge chüshken kadirlar buninggha qandaq qaraydu? ular qandaq mesililerni bayqidi? biz bu so'allargha jawab izdep bir Uyghur kadirni ziyaret qilduq.

Ghiyasidin ependi Uyghur élining shimalidiki melum bir organning kadiri. U buningdin ikki yil awwal töwen'ge chüshüp, xotendiki melum bir yézida bir yil turghan. Uning körsitishiche, xoten yézilarda a'ile ezasi yaki uruq-tughqini siyasiy, diniy ishlargha chétilip qalghan a'ililerning hayati intayin müshkül ehwalda iken. Ghiyasidin, xitay hökümitining bundaq a'ililerge "Chétip jazalash" usuli qolliniwatqanliqini bildürdi.

Yuqiridiki awaz ulinishidin programmining tepsilatini anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet