Тәйинләнгән рәис нур бәкриниң тәстиқи үстүнатуш секритари ду җидуң тәрипидин рәт қиливетилгән

Мухбиримиз шөһрәт һошур
2014.08.19
Share on WhatsApp
Share on WhatsApp
nur-bekri-wang-lechwan-pichillashmaqta.jpg Нур бәкри билән ваң ләчван пичирлашмақта. 2009-Йили 6-март, бейҗиң.
EyePress

Үстүнатуш йезилиқ су понкитиниң хадими таһирҗан әйса хизмәт үстидә ярилинип һечқандақ нәтиҗигә еришәлмигәндин кейин, оғли әлиҗан билән бирликтә үрүмчи вә бейҗиңға әрз қилип бариду. Бултур йәни 2013 - йили әтиязда икки йиғинни хатирҗәм өткүзүшни мәқсәт қилған хитай мәркизи һөкүмити, узун мәзгил һәл болмай келиватқан кона әрзләрни тездин һәл қиливетиш һәққидә йолйоруқ чүшүриду.

Мана бу мәзгилдә уйғур аптоном районниң тәйинләнгән рәиси нур бәкри, мәркәзниң йолйоруқиға асасән, таһирҗан әйсаниң һөкүмәттин төләм тәләп қилиш әрзини тәстиқлайду. Нур бәкри тәстиқлиған бу әрзни қизилсу областлиқ партком секритариму тәстиқлайду, әмма үстунатуш йезилиқ партком секритари ду җидуң рәт қилиду. Нур бәкриниң тәстиқиғә еришипму ишини һәл қилалмиған таһирҗан әйса, кесили еғирлишип дунядин видалишиду, әмма оғли әлиҗан таһир әрзни давам қилмақта.

Нур бәкриниң тәстиқиниң рәт қилинғанлиқ вәқәсини бу әрздарниң өз еғизидин аңлайсиләр.

Һөрмәтлик радио аңлиғучилар, нур бәкриниң тәстиқиниң карға кәлмәслик әһвали буниңдин аввалму бир қетим ашкариланған. Өткән йилқи бир телефон зияритимиз давамида ашкарилинишичә, нур бәкри қәшқәр пәйзиватлиқ әрздар турсун ғопурниң төләм әрзини тәстиқлиған, әмма йезиниң хитай секритари, “бу пулни нур бәкри өзи бәрсун” дегән җаваб билән тәстиқни рәт қилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.