Sabiq diplomat abdulkérim shérif: pakistan prézidénti ziya'ulheqning qestke uchrap ölüshide xitay elchixanisining qoli bar

Ixtiyariy muxbirimiz haji qutluq qadiri
2015.07.31
Share on WhatsApp
Share on WhatsApp
pakistan-diplomat-abdulkerim-sherif.jpg Sabiq diplomat abdulkérim shérif
RFA/Haji Qutluq Qadiri


1988 - Yili 17 - awghust pakistanning prézidénti,général muhemmed ziya'ulheq,général exter abduraxman, pakistanda turushluq amérika bash elchisi awmold léwis raphél qatarliq 30 kishi olturghan, amérikida ishlen'gen k - 130 tipliq herbiy ayropilan pakisanning sherqidiki bahawalpur hawa boshluqida partlap kétip, ayropilandiki hemme kishi qaza qilidu.

27 - Yil ilgiri yüz bergen bu sirliq ayropilan weqesi heqqide hazirghiche terepler éniq bir yekün chiqiralmighan bir shara'itta, ilgiri pakistandiki xitay elchixanisida diplomat bolup xizmet qilghan, hazir shwitsariyede yashawatqan sabiq diplomat abdulkérim shérif ziya'ulheqning qestke uchrap ölüshide xitay elchixanisining qoli barliqi heqqide özining ilgiri elchixana ichide anglighanlirini bayan qildi.

1987 - Yilidin 1989 - yilighiche pakistandiki xitay elchixanida 3 - derijilik katipliq unwani bilen diplomatiye xizmitide bolghan we 1989 - yili 11 - ayning 4 - küni yeni xitayning sabiq bash ministiri li péng pakistan'gha ziyaretke kelgen küning özide xitay elchixanisidin baturluq bilen qéchip, muhajirettiki sherqiy türkistan azadliq kürishi sépige qétilghan, hazir shwitsariyede hijrette yashawatqan tonulghan Uyghur kishilik hoquq pa'aliyetchisi abdulkérim shérif bügün ziyaritimizni qobul qilip, eyni waqitta pakistan prézidénti merhum muhemmed ziya'ulheqning ayropilan weqesige uchrap qaza qilishidin ibaret bu siyasiy süyiqestte xitay elchixanisining qoli barliqi heqqide bezi bir melumatlarni ashkarilidi.

Sabiq pakistan prézidénti ziya'ulheq
Sabiq pakistan prézidénti ziya'ulheq

Sabiq diplomat abdulkérim shérif ziyaritimiz dawamida pakistan prézidénti merhum muhemmed ziya'ulheqning xitay hökümitige düshmen bolup qilishidiki asasliq seweb, uning pakistan arqiliq hejge mangghan Uyghur hajilargha hej qilish yolini échip bérip, ulargha yaxshi hej qilish shara'iti hazirlap bergenlikidin we shundaqla xitay bilen ötküzülgen söhbetlerde xitay hökümitidin Uyghurlargha zulum salmasliq heqqide bezi bir tekliplerni otturigha qoyghanliqidin ikenlikini bildürüp ötti.

Abdulkérim kérim shérif sözide yene, xitay hökümiti we xitay elchixanisi köp qétimliq yighinlarda ziya'ulheqni sherqiy türkistan mesilisini qollaydighan, xitay döliti üchün xeterlik kishi dep tekitligenlikini bayan qildi.

Sabiq diplomat abdulkérim shérif ziyaritimiz jeryanida, pakistan prézidénti merhum muhemmed ziya'ulheqni islam'abadtiki xitay elchixanisi ziyapetke teklip qilghanda, elchixana uninggha aldin teyyarlan'ghan choshqa göshidin hazirlan'ghan ta'am bergenlikinimu ilgiri sürdi.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.