Хәлқара қәләмкәшләр бирләшмисиниң 80-қетимлиқ қурултийи бишкәктә башланди

Ихтиярий мухбиримиз азад қасим
2014-09-29
Share
qelemkeshler-qurultityi-qeyser-abdurusul-soyungul.jpg Язғучи қәйсәр абдурусул(солдин иккинчи) вә сүйүнгүл(солда) ханимлар түркийәлик язғучилар билән. 2014-Йили 29-сентәбир, бишкәк.
RFA/Azad Qasim

Хәлқара қәләмкәшләр бирләшмисиниң 80-нөвәтлик қурултийи 29-сентәбир күни қирғизистанниң пайтәхти бишкәк шәһиридә башланди. Қурултайға 120гә йеқин дөләттин кәлгән 200 дин артуқ вәкил қатнашти.

“бизниң тил-йезиқимиз, бизниң әсәрлиримиз, бизниң әркинликимиз” дегән тема билән өткүзүлүватқан бу қетимқи қурултайниң ечилиш мурасимида сөз қилған хәлқара қәләмкәшләр бирләшмисиниң рәиси йоһан ларистон шунчә көп язғучилар, шаирлар вә журналистлар қатнашқан бундақ чоң типтики йиғилишниң биринчи қетим оттура асияда өткүзүлүватқанлиқини тәкитләп, қурултайниң өткүзүлүши үчүн шараит һазирлап бәргән қирғизистан һөкүмитигә миннәтдарлиқ билдүрди.

Бу қетимқи қурултайға қатнашқанлар ичидә украиналиқ атақлиқ язғучи андири коркоф, аргентиналиқ язғучи, әдәбий тәрҗиман карлос гамерро һәмдә қазақистанлиқ атақлиқ шаир олҗас сулайманофлар бар.

Хәлқара уйғур қәләмкәшләр мәркизиниң әзалиридин қәйсәр абдурусул, сүйүнгүл җанишиф ханимларму бу қетимқи қурултайға қатнашти.

Мухбиримизниң зияритини қобул қилған сүйүнгүл җанишиф ханим өзиниң иҗадийәт һаяти һәққидә тохталди.

Хәлқара қәләмкәшләр бирләшмиси 1921-йили әнглийәниң лондон шәһиридә қурулған, нөвәттә бу бирләшминиң дунядики 120 нәччә дөләттә 141 шөбиси болуп, омуми әзалириниң сани 15 миңдин ашиду, у, бирләшкән милләтләр тәшкилатиниң пән- маарип комитети етирап қилған дунядики чоң тәшкилатларниң бири.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт