Xelq'ara qelemkeshler birleshmisining 80-qétimliq qurultiyi bishkekte bashlandi

Ixtiyariy muxbirimiz azad qasim
2014.09.29
Share on WhatsApp
Share on WhatsApp
qelemkeshler-qurultityi-qeyser-abdurusul-soyungul.jpg Yazghuchi qeyser abdurusul(soldin ikkinchi) we süyün'gül(solda) xanimlar türkiyelik yazghuchilar bilen. 2014-Yili 29-séntebir, bishkek.
RFA/Azad Qasim

Xelq'ara qelemkeshler birleshmisining 80-nöwetlik qurultiyi 29-séntebir küni qirghizistanning paytexti bishkek shehiride bashlandi. Qurultaygha 120ge yéqin dölettin kelgen 200 din artuq wekil qatnashti.

“Bizning til-yéziqimiz, bizning eserlirimiz, bizning erkinlikimiz” dégen téma bilen ötküzülüwatqan bu qétimqi qurultayning échilish murasimida söz qilghan xelq'ara qelemkeshler birleshmisining re'isi yohan lariston shunche köp yazghuchilar, sha'irlar we zhurnalistlar qatnashqan bundaq chong tiptiki yighilishning birinchi qétim ottura asiyada ötküzülüwatqanliqini tekitlep, qurultayning ötküzülüshi üchün shara'it hazirlap bergen qirghizistan hökümitige minnetdarliq bildürdi.

Bu qétimqi qurultaygha qatnashqanlar ichide ukra'inaliq ataqliq yazghuchi andiri korkof, argéntinaliq yazghuchi, edebiy terjiman karlos gamérro hemde qazaqistanliq ataqliq sha'ir oljas sulaymanoflar bar.

Xelq'ara Uyghur qelemkeshler merkizining ezaliridin qeyser abdurusul, süyün'gül janishif xanimlarmu bu qétimqi qurultaygha qatnashti.

Muxbirimizning ziyaritini qobul qilghan süyün'gül janishif xanim özining ijadiyet hayati heqqide toxtaldi.

Xelq'ara qelemkeshler birleshmisi 1921-yili en'gliyening london shehiride qurulghan, nöwette bu birleshmining dunyadiki 120 nechche dölette 141 shöbisi bolup, omumi ezalirining sani 15 mingdin ashidu, u, birleshken milletler teshkilatining pen- ma'arip komitéti étirap qilghan dunyadiki chong teshkilatlarning biri.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet