Гүлгинә: қош тил маарип бизниң ғайимизниму тунҗуқтурмақта
2013.06.11

Хитай һөкүмити йеқинқи 10 йил мабәйнидә аталмиш қош тиллиқ маарип сияситини күчәйтип елип бериш арқилиқ, уйғур миллий маарипини йәслидин тартип башланғуч-оттура мәктәпләргичә пүтүнләй хитайчилаштуруп болди.
Қарайдиған болсақ, йеңи тили чиққан уйғур балилири, бағчә нахшилириниму хитай тилида ейтидиған, мәктәпкә киргәндә ана тили дәрсликидин башқа барлиқ асаслиқ дәрсләрни хитайчә оқуйдиған болди. Қош тил маарипи баһанисидә өз ана тилидин йирақлаштурушниң уйғур балилириниң әқлий, җисманий җәһәтләрдин нормал сағлам үсүп йетилишигә елип келиватқан һәр тәрәплик сәлбий тәсирлири бара-бара гәвдиләнмәктә. Өзиниң туйғусини ана тилидиму, хитай тилидиму охшашла толуқ ипадиләп берәлмәйватқан балилар ата аниларни, бир милләтни әндишигә салмақта.
Улар қош тил маарипи елип келиватқан шу хил изтираплардин қутулуш йоллирини издимәктә.
Қош тиллиқ маарип тәрипидин ғайиси тунҗуқтурулған 18 яшлиқ бир уйғур қизи йеқинда америкиға кәлгәндин кейин мухбиримизға өзиниң кәчмишлирини сөзләп бәрди.
Аваз улинишидин тәпсилатини аңлиғайсиз.