Дилшат решит: япон хәлқигә террор билән миллий мустәқиллиқ һәрикитимизниң пәрқини чүшәндүримиз

28-январдин башлап токйода зиярәттә болуватқан д у қ ниң рәиси рабийә қадир ханим йетәкчиликидики вәкилләр өмикидики қурултай баянатчиси дилшат решит бүгүн японийәдики ихтиярий мухбиримиз һаҗи қутлуқ қадириниң зияритини қобул қилип, нөвәттә японийә мәтбуатлириға уйғур елиниң вәзийити һәққидә немиләрни аңлитидиғанлиқи һәққидә тохтилип, у сөзидә өзиниң японийә мәтбуатлириға террорлуқ билән уйғурлар елип бериватқан миллий мустәқиллиқ күриши оттурисидики пәрқләр тоғрисида чүшәнчә беридиғанлиқини шундақла уйғур елида йүз бәргән қанлиқ вәқәләрниң келип чиқиш сәвәблири үстидиму тохтилидиғанлиқини билдүргән.

Японийә җәмийитидә 18-январ “ислам дөлити” тәшкилати тәрипидин сүрийәдә гөрүгә елинған икки нәпәр японийә пуқрасидин бириниң йеқинда өлтүрүлгәнлики тоғрисидики хәвәр таралғандин кейин, көплигән японлар арисида ислам диний вә мусулманлар дуняси һәққидә көплигән охшимиған қарашларда бәс муназириләр оттуриға чиққан.

Японийәдә чиқидиған нопузлуқ мәтбуатлардин “асаһи шимбун”, “йомиури шимбун” қатарлиқ гезитләрдә уйғур елида елип бериливатқан хитай һакимийитигә қарши һәрикәтләрниң террорлуқ һәрикәтләрдин көп пәрқлиқ икәнлики тоғрисидиму мақалиләр елан қилинған.

Нөвәттә диққитиңлар, японийәдә зиярәттә болуватқан дуня уйғур қурултийи баянатчиси дилшат решит билән елип барған сөһбитимиздә болғай.

Юқириқи аваз улинишидин тәпсилатини аңлаң.