D u q rehbiri rabiye qadir xanim osloda ziyarette boldi

2017-Yili 19-awghust küni dunya Uyghur qurultiyining rehbiri rabiye qadir xanim norwégiyening paytexti osloda ziyarette boldi.

Rabiye qadir xanimning kélishi bilen teng, norwégiye Uyghur komitétining rehber we hey'etliridin perhat yaqup, semet abla, adiljan qatarliqlar norwégiyediki Uyghurlargha wakaliten ayrodromgha chéqip qarshi aldi.

Shuning bilen birge, paytext oslogha jaylashqan “Norwégiye islam medeniyet merkizi” meschitide 19-awghust küni shenbe sa'et 3:00 tin sa'et 5:30 giche yighilish pa'aliyiti boldi. Bu pa'aliyetke norwégiyediki Uyghur jama'itidin 50 ke yéqin kishi ishtirak qildi.

Rabiye qadir xanim bu qétimqi norwégiye sepiride özining norwégiyege kélish meqsitini qisqiche bayan kélip ötti. Norwégiye Uyghur komitétining rehberliri rabiye qadir xanimgha atap tebrik sözi qildi we özlirining komitét saylimidin kéyinki xizmet doklatini rabiye qadir xanimgha tepsiliy anglatti.

“Norwégiye islam medeniyet merkizi” hey'iti we jama'et chongliridin memtimin hajim rabiye qadir xanimning norwégiyege ziyaretke kelgenlikini qizghin qarshi alidighanliqini we bu qétimqi sepirining ongushluq bolushini ümid qildi.
Biz rabiye qadir xanimning bu qétimliq pa'aliyitining meqsiti we qilmaqchi bolghan ishlirini tepsiliy bilish üchün rabiye qadir xanimni ziyaret qilduq.

Rabiye qadir xanim bilen bolghan söhbitimizde, rabiye qadir xanim özining norwégiyege kélish meqsitini qisqiche chüshendürüp ötti.