Хитайниң уйғур районидики 33 сақчи «қәһримани» ниң 17 нәпири йүрәк кесили қозғилип өлгән

Мухбиримиз шөһрәт һошур
2016-04-06
Елхәт
Пикир
Share
Принт
Хитай җ х тармақлири 1-апрел күни елан қилған инқилабий қурбанлар тизимликидин мәлум болушичә, тизимликтики уйғур райониға тәвә 33 нәпәр сақчиниң 17 нәпири йүрәк кесили билән өлгән.
Хитай җ х тармақлири 1-апрел күни елан қилған инқилабий қурбанлар тизимликидин мәлум болушичә, тизимликтики уйғур райониға тәвә 33 нәпәр сақчиниң 17 нәпири йүрәк кесили билән өлгән.
mps.gov.cn

Хитай җ х тармақлири 1 ‏-апрел күни елан қилған инқилабий қурбанлар тизимликидин мәлум болушичә, тизимликтики уйғур райониға тәвә 33 нәпәр сақчиниң 17 нәпири йүрәк кесили билән өлгән. Бу әһвал мундақ икки нуқтидин уйғур сиясий көзәткүчиләрниң диққитини қозғиди: биринчи, бастуруш һәрикәтлиридә рол елиш сақчиларни виҗдан азабиға муптила қилған болуши мумкинму? иккинчи, хитай даирилириниң үлгә тикләш-қәһриман яритиш еһтияҗи адәттики ишларниму улуғлаштурушқа қиставатамду?

Мәзкур тизимликтин мәлум болушичә, уйғур районидики инқилабий қурбан дәп нам берилгән вә қәһриманлар тизимликигә киргүзүлгән 33 нәпәр сақчидин 17 нәпири хизмәт вақтида йүрәк кесили қозғилип өлгән. Мәсилән, конашәһәр наһийилик сақчи идарисиниң хадими абдуқадир абдукерим бир гумандарни сорақ қиливетип, сорақ давамида йүрәк кесили қозғалған вә дохтурханида җан үзгән. Қанун дохтури абдувәли абдукеримму мәлум бир җәсәтни тәкшүрүветип йүрәк кесили қозғалған вә һаятидин айрилған. Булардин башқа йәнә аблимит тохтинияз, езиз әркин, мәхәтҗан йимит қатарлиқ уйғур сақчилар, фәнхәйпо, ма җиңшюң, йиҗүн қатарлиқ хитай сақчилар болуп җәмий 17 нәпәр сақчи, аталмиш «қәһриманлар» ниң йеримидин көпрәки йүрәк кесили билән өлгән.

Биз бүгүн бу темида америкидики сиясий көзәткүчиләрдин учқунҗан әпәнди билән доктор қаһар барат әпәндиләрни зиярәт қилдуқ.

5‏-Июл вәқәсидин кейин бәлгилик сандики уйғур сақчиларниң хизмәттин истепа бәргәнликини әсләп өткән сиясий көзәткүчи учқунҗан әпәнди, юқириқи йүрәк кесили билән өлгән уйғур сақчиларниң көз алдидики вәһшийлик вә һәқсизлиқни виҗдани қобул қилалмиғанлиқи сәвәбидин җан үзгән болуш еһтималлиқини илгири сүриду.

У йәнә уйғур районидики сақчиларниң, болупму уйғур сақчиларниң хизмитидин истепа бәрсә, хитай дөләт бихәтәрлик сақчилириниң диққәт мәркизигә айлинидиғанлиқини, йәнә башқичә бир аваричилик вә хәвп-хәтәргә дуч келидиғанлиқини оттуриға қойди.

Сиясий көзәткүчи қаһар әпәндиниң қаришичә, дуняда коммунизм нәзәрийиси мәғлуп болғандин кейин, хитайниң илгирики кона қәһриманлири, үлгилири қиммитини йоқатти, хитай җәмийитидә кишиләрни роһий җәһәттин алға йетәкләйдиған, илһамландуридиған қәһриманларға еһтияҗи туғулди.

Хитай җәмийитидики һәқ вә адаләтни яқлап қәһриманлиқ көрсәткәнләрни мәдһийиләш, улуғлаштуруш хитай һакимийитиниң мәнпәитигә хилап, шуңа хитай даирилири қәһриманларни сүний һалда ясап чиқишқа, адәттики ишларни, адәттики кишиләрни улуғлаштурушқа мәҗбур болмақта.

Һәр икки көзәткүчиниң қаришичә, хитай дегәндәк, еғиз хизмәт салмиқи, йәни райондики ахири үзүлмигән қаршилиқ һәрикәтлири, сиясий өгиниш бесимлири бир қисим сақчиларни растинила һалсиратқан вә уларниң ичидики саламәтлики аҗизрақ болғанларниң өлүмигә түрткә болған болуши мумкин.

Пикирләр (0)
Share
Толуқ бәт