Шиветсийәдики ислам йиғинида шәрқий түркистан мәсилиси оттуриға қоюлди

Ихтиярий мухбиримиз еһсан
2015.10.12
islam-yighin-305.jpg Шиветсийәдики ислам йиғиниға қатнашқан уйғурлар. 2015-Йили 10-өктәбир.
RFA/Éhsan

“шиветсийә ислам җәмийәтлири бирләшмиси” вә “шиветсийә имам хатип мәслиһәт кеңиши” қатарлиқ тәшкилатларниң 9-нөвәтлик йиллиқ омуми йиғини 10-өктәбир күни ситокһолмниң лунда районидики лунда ислам мәктипиниң йиғин залида өткүзүлди.

Шиветсийәдә паалийәт қиливатқан тәшкилатлардин “тәклимакан ислам мәдәнийәт мәркизи”ниң мәсули өмәр әзиз, баш катипи абдулла көкярму йиғинға тәклип билән қатнашти.

Шиветсийә ислам җәмийәтлири бирләшмиси шиветсийәдики барлиқ ислам мәдәнийәт мәркәзлири вә мәсчитләрни назарәт қилиш, имам хатипларға мәслиһәт бериш ишлириға йетәкчилик қилидиған әң алий диний орган болуп, бу орган шиветсийәниң һәр қайси вилайәт вә шәһәрлиригә җайлашқан 150 дин артуқ диний җәмийәт вә мәсчитләрниң қанунлуқ вәкили сүпитидә шиветсийәдики һәр милләт мусулманлириниң қануни һәқ-һоқуқлирини капаләткә игә қилиш үчүн хизмәт қилидикән.

Органниң йиллиқ омуми йиғинида шиветсийәниң һәр қайси вилайәт вә шәһәрлиридин кәлгән диний җәмийәт башлиқлири вә мәсчит имамлири, шиветсийәдики йерим милйондин артуқ һәр милләт мусулман аммисиниң диний ишлирини тәрәққий қилдуруш, мусулманларни шиветсийә җәмийитигә һәссә қошушқа тәрғиб қилиш, динға қарши сиясий гуруһларниң ашқунлуқи шундақла иҗтимаий һәқсизликләр түпәйли мәйданға чиққан үмидсизлиниш сәвәблик келип чиққан бәзи диний ашқунлуқ мәсилилириниң негизлик сәвәб амиллирини тәтқиқ қилиш қатарлиқ мәсилиләрни илмй муһакимә қилип һәл қилиш чарә ‏-тәдбирлири үстидә сөһбәт елип берип, һөкүмәткә доклат йоллайдикән.
Бу йиғин икки күн давам қилған болуп, бу қетимлиқ йиғинға мисир вә германийәдин нопузлуқ диний алимлар тәклип қилинған.

Йиғинида асаслиқ исламниң мотидиллиқини асас қилған омуми роһини хәлқара җәмийәтниң тонуп йәтмәслики шундақла мөтидиллиқ дегән бу муқәддәс аталғуни мустәбит дөләтләрниң хәлқиләргә хата һалда суйистимал қилдуруватқанлиқи оттуриға қоюлди.

Биз йиғин һәққидә тәпсилий мәлумат елиш үчүн, тәклимкан ислам мәдәнийәт мәркизиниң баш катипи абдулла көкярни зиярәт қилдуқ. У, хитай даирилириниң уйғур диярида мөтидиллиқ аталғусини суйистмал қиливатқанлиқини, уйғур диний затларни өз идийисигә майил тәрбийиләп чиқип, коммунистик идийә вә ислам оттурисидин ғәлитә бир әбҗәш йол һасил қилип, хитай даирилириниң мәнпәитигә хизмәт қиливатқанлиқидәк реаллиқни пакитлар билән оттуриға қойди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.