Шиветсийәдики уйғурлар түрк әлчиханисидики паалийәттә уйғурларниң вәзийитини аңлатти

Ихтиярий мухбиримиз еһсан
2014.10.30
exmetjan-tursun-turkiye-elchisi-shiwetsiye.jpg Шиветсийә “уйғур маарип уюшмиси” ниң рәиси әхмәтҗан турсун(оңда) ситокһолмдики түркийә әлчиханиси билән. 2014-Йили 29-өктәбир, шиветсийә.
RFA/Éhsan

Түркийә җумһурийити қурулғанлиқиниң 91 йиллиқи мунасивити билән шиветсийәдики түркийә әлчиханиси тәрипидин өткүзүлгән тәбрикләш мурасимиға, шиветсийәдики уйғурларму қатнашти вә меһманларға уйғурларниң вәзийитини аңлатти.

Бу паалийәт 29-өктәбир күни шиветсийә пайтәхти ситокһолмдики түркийә әлчиханисиниң паалийәт залида шу йәр вақти 17:00 дин 20:00 гичә елип берилди.

Бу паалийәткә шиветсийәдә паалийәт қиливатқан “уйғур маарип уюшмиси”ниң рәиси әхмәтҗан турсун билән бир нәпәр идарә һәйәт әзаси, шиветсийәдики уйғурларға вакалитән тәклип билән қатнашти. Түркийә баш әлчиси тәбрикләш мурасимиға кәлгән меһманлар вә вәкилләрни ишик алдида қизғин қарши алди.

Паалийәт җәрянида уйғур вәкилләрниң чимән допписи меһманларниң алаһидә диққитини тартти. Улар алаһидә келип уйғурлар билән әһваллашти.

Бу пурсәттә, әхмәтҗан турсун меһманларға уйғур дияриниң һазирқи вәзийитини аңлатти. Мурасимға кәлгән һәр саһәдики түрк меһманлар уйғур вәкилләрниң йениға келип өзини тонуштуруш билән биргә, уйғур вәкилләрдин уйғур дияриниң һазирқи әһвали тоғрисида пикир алмаштурди.

Әхмәтҗан турсун йәнә түркийә әлчиханисиға йеңидин хизмәткә кәлгән һәр бир бөлүмниң мәсуллири билән бирму-бир тонушуп уларға шиветсийәдики вә уйғур дияридики уйғурларниң әһвалидин қисқичә мәлумат бәрди. Биз бу мунасивәт билән уйғур маарип уюшмисиниң рәиси әхмәтҗан турсунни зиярәт қилдуқ. У зияритимизни қобул қилип, түркийә җумһурийәт байриминиң тәбрикләш мурасимидики әһвалларни аңлатти.

Тәпсилатини юқиридики аваз улинишидин аңлиғайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.