Shiwétsiyediki Uyghurlar türk elchixanisidiki pa'aliyette Uyghurlarning weziyitini anglatti

Türkiye jumhuriyiti qurulghanliqining 91 yilliqi munasiwiti bilen shiwétsiyediki türkiye elchixanisi teripidin ötküzülgen tebriklesh murasimigha, shiwétsiyediki Uyghurlarmu qatnashti we méhmanlargha Uyghurlarning weziyitini anglatti.

Bu pa'aliyet 29-öktebir küni shiwétsiye paytexti sitokholmdiki türkiye elchixanisining pa'aliyet zalida shu yer waqti 17:00 din 20:00 giche élip bérildi.

Bu pa'aliyetke shiwétsiyede pa'aliyet qiliwatqan “Uyghur ma'arip uyushmisi”ning re'isi exmetjan tursun bilen bir neper idare hey'et ezasi, shiwétsiyediki Uyghurlargha wakaliten teklip bilen qatnashti. Türkiye bash elchisi tebriklesh murasimigha kelgen méhmanlar we wekillerni ishik aldida qizghin qarshi aldi.

Pa'aliyet jeryanida Uyghur wekillerning chimen doppisi méhmanlarning alahide diqqitini tartti. Ular alahide kélip Uyghurlar bilen ehwallashti.

Bu pursette, exmetjan tursun méhmanlargha Uyghur diyarining hazirqi weziyitini anglatti. Murasimgha kelgen her sahediki türk méhmanlar Uyghur wekillerning yénigha kélip özini tonushturush bilen birge, Uyghur wekillerdin Uyghur diyarining hazirqi ehwali toghrisida pikir almashturdi.

Exmetjan tursun yene türkiye elchixanisigha yéngidin xizmetke kelgen her bir bölümning mes'ulliri bilen birmu-bir tonushup ulargha shiwétsiyediki we Uyghur diyaridiki Uyghurlarning ehwalidin qisqiche melumat berdi. Biz bu munasiwet bilen Uyghur ma'arip uyushmisining re'isi exmetjan tursunni ziyaret qilduq. U ziyaritimizni qobul qilip, türkiye jumhuriyet bayrimining tebriklesh murasimidiki ehwallarni anglatti.

Tepsilatini yuqiridiki awaz ulinishidin anglighaysiler.