Тайландтики мусапир уйғурлар мәсилиси түркийә баш министириға йәнә бир қетим йәткүзүлди

Ихтиярий мухбиримиз әркин тарим
2014.12.17
Share on WhatsApp
Share on WhatsApp
seyit-tumturk-yighindin-keyin-muxbir.jpg

Түркийәдә паалийәт елип бериватқан түркий милләтләр аммиви тәшкилатлириниң мәсуллири йиғинидин кейин, д у қ муавин рәиси сейит түмтүрк әпәнди мухбирларниң зияритини қобул қилди. 2014-Йили 13-декабир, түркийә. RFA/Erkin Tarim

seyit-tumturk-yighinda-nutuq.jpg

Д у қ муавин рәиси сейит түмтүрк әпәнди қәйсәри йәлкәноғлу толуқ оттура мәктипидә “алланиң бәндисиниң дәрдмән земини шәрқий түркистан” темисида доклат бәрди. 2014-Йили 11-декабир, түркийә. RFA/Erkin Tarim

qeyseri-sheher-bashliqi-memet-ozhaseki-seyit-tumturk.jpg

Д у қ муавин рәиси сейит түмтүрк әпәнди қәйсәри шәһириниң башлиқи мәмәт өзһасәки әпәндини ишханисида зиярәт қилип, уйғурларниң һазирқи вәзийити тоғрисида мәлумат бәргәндин кейин бәзи тәләплирини оттуриға қойған. 2014-Йили 11-декабир, түркийә. RFA/Erkin

mektep-mudiri-rexmet-eytmaqta.jpg

Д у қ муавин рәиси сейит түмтүрк әпәнди қәйсәри йәлкәноғлу толуқ оттура мәктипиниң мудири билән. 2014-Йили 11-декабир, түркийә. RFA/Erkin Tarim

kayseride-toluq-ottura-mektepte.jpg

Қәйсәри йәлкәноғлу толуқ оттура мәктипиниң оқуғучилири д у қ муавин рәиси сейит түмтүрк әпәндиниң “алланиң бәндисиниң дәрдмән земини шәрқий түркистан” темисида бәргән доклатини аңлимақта. 2014-Йили 11-декабир, түркийә. RFA/Erkin Tarim

Хитай баш министири ли кечаңниң тайландқа елип бармақчи болған зиярити мәтбуатларда орун алғандин кейин тайландтики уйғурлар мәсилиси уйғурларни әндишигә салмақта. Бундақ бир пәйттә дуня уйғур қурултийи муавин рәиси сейит түмтүрк әпәнди түркийә баш министири әхмәт давутоғлуму иштирак қилған мурасимға қатнишип, мурасим җәрянида әхмәт давутоғлуға тайландтики уйғурларниң түркийәгә елип келиниши мәсилиси тоғрисидики тәләплирини йәнә бир қетим оттуриға қойди.

Д у қ муавин рәиси сейит түмтүрк әпәнди 12-айниң 11-күни қәйсәри йәлкәноғлу толуқ оттура мәктипиниң тәклипигә бинаән мәзкур толуқ оттура мәктәпниң оқуғучи-оқутқучилириға “алланиң бәндисиниң дәрдмән земини шәрқий түркистан” темисида доклат бәрди. Доклат бериш йиғиниға оқутқучи вә оқуғучилардин болуп 6-7 йүз әтрапида киши қатнашти. Мәзкур доклат бериш йиғинида сейит түмтүрк әпәнди уйғурларниң тарихи тоғрисида қисқичә мәлумат бәргәндин кейин, нуқтилиқ һалда уйғурлар һазир дучар болуватқан бесимлар тоғрисида тохтилип өтти.

Шу күни сейит түмтүрк башчилиқидики бир өмәк қәйсәри шәһириниң башлиқи мәмәт өзһасәки әпәндини ишханисида зиярәт қилип, уйғурларниң һазирқи вәзийити тоғрисида мәлумат бәргәндин кейин бәзи тәләплирини оттуриға қойған.

Сейит түмтүрк әпәнди 12-айниң 13-күни алаһидә тәклип бойичә түркийәниң әң чоң вилайәтлиридин бири болған адана вилайитигә берип, әхмәт йәсәвий түркий милләтләр тәшкилатлар федератсийәсиниң қурулуш мурасимиға қатнашти.

Түркийәдә паалийәт елип бериватқан түркий милләтләр аммиви тәшкилатлириниң мәсуллири қатнашқан бу ечилиш мурасимиға түркийә баш министири әхмәт давутоғлиму қатнашти. Бу йиғин җәрянида сейит түмтүрк әпәнди баш министир әхмәт давутоғлу билән учришип, тайландтики уйғурларни мәсилисини түркийә һөкүмитиниң тезрәк һәл қилишини илтимас қилди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.