Taylandtiki musapir Uyghurlar mesilisi türkiye bash ministirigha yene bir qétim yetküzüldi

Ixtiyariy muxbirimiz erkin tarim
2014.12.17
seyit-tumturk-yighindin-keyin-muxbir.jpg

Türkiyede pa'aliyet élip bériwatqan türkiy milletler ammiwi teshkilatlirining mes'ulliri yighinidin kéyin, d u q mu'awin re'isi séyit tümtürk ependi muxbirlarning ziyaritini qobul qildi. 2014-Yili 13-dékabir, türkiye. RFA/Erkin Tarim

seyit-tumturk-yighinda-nutuq.jpg

D u q mu'awin re'isi séyit tümtürk ependi qeyseri yelkenoghlu toluq ottura mektipide “Allaning bendisining derdmen zémini sherqiy türkistan” témisida doklat berdi. 2014-Yili 11-dékabir, türkiye. RFA/Erkin Tarim

qeyseri-sheher-bashliqi-memet-ozhaseki-seyit-tumturk.jpg

D u q mu'awin re'isi séyit tümtürk ependi qeyseri shehirining bashliqi memet özhaseki ependini ishxanisida ziyaret qilip, Uyghurlarning hazirqi weziyiti toghrisida melumat bergendin kéyin bezi teleplirini otturigha qoyghan. 2014-Yili 11-dékabir, türkiye. RFA/Erkin

mektep-mudiri-rexmet-eytmaqta.jpg

D u q mu'awin re'isi séyit tümtürk ependi qeyseri yelkenoghlu toluq ottura mektipining mudiri bilen. 2014-Yili 11-dékabir, türkiye. RFA/Erkin Tarim

kayseride-toluq-ottura-mektepte.jpg

Qeyseri yelkenoghlu toluq ottura mektipining oqughuchiliri d u q mu'awin re'isi séyit tümtürk ependining “Allaning bendisining derdmen zémini sherqiy türkistan” témisida bergen doklatini anglimaqta. 2014-Yili 11-dékabir, türkiye. RFA/Erkin Tarim

Xitay bash ministiri li kéchangning taylandqa élip barmaqchi bolghan ziyariti metbu'atlarda orun alghandin kéyin taylandtiki Uyghurlar mesilisi Uyghurlarni endishige salmaqta. Bundaq bir peytte dunya Uyghur qurultiyi mu'awin re'isi séyit tümtürk ependi türkiye bash ministiri exmet dawutoghlumu ishtirak qilghan murasimgha qatniship, murasim jeryanida exmet dawutoghlugha taylandtiki Uyghurlarning türkiyege élip kélinishi mesilisi toghrisidiki teleplirini yene bir qétim otturigha qoydi.

D u q mu'awin re'isi séyit tümtürk ependi 12-ayning 11-küni qeyseri yelkenoghlu toluq ottura mektipining teklipige bina'en mezkur toluq ottura mektepning oqughuchi-oqutquchilirigha “Allaning bendisining derdmen zémini sherqiy türkistan” témisida doklat berdi. Doklat bérish yighinigha oqutquchi we oqughuchilardin bolup 6-7 yüz etrapida kishi qatnashti. Mezkur doklat bérish yighinida séyit tümtürk ependi Uyghurlarning tarixi toghrisida qisqiche melumat bergendin kéyin, nuqtiliq halda Uyghurlar hazir duchar boluwatqan bésimlar toghrisida toxtilip ötti.

Shu küni séyit tümtürk bashchiliqidiki bir ömek qeyseri shehirining bashliqi memet özhaseki ependini ishxanisida ziyaret qilip, Uyghurlarning hazirqi weziyiti toghrisida melumat bergendin kéyin bezi teleplirini otturigha qoyghan.

Séyit tümtürk ependi 12-ayning 13-küni alahide teklip boyiche türkiyening eng chong wilayetliridin biri bolghan adana wilayitige bérip, exmet yesewiy türkiy milletler teshkilatlar fédératsiyesining qurulush murasimigha qatnashti.

Türkiyede pa'aliyet élip bériwatqan türkiy milletler ammiwi teshkilatlirining mes'ulliri qatnashqan bu échilish murasimigha türkiye bash ministiri exmet dawutoghlimu qatnashti. Bu yighin jeryanida séyit tümtürk ependi bash ministir exmet dawutoghlu bilen uchriship, taylandtiki Uyghurlarni mesilisini türkiye hökümitining tézrek hel qilishini iltimas qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.