D u q wekilliri tayland we malayshiyadiki Uyghur musapirlardin hal soridi

Ixtiyariy muxbirimiz erkin tarim
2014.05.28
malayshiya-turme-bashliqi.JPG D u q wekilliri malayshiyadiki Uyghurlar tutup turuluwatqan türmining bashliqlirigha sowghat bermekte. 2014-Yili may.
RFA/Erkin Tarim

Taylandta 220 Uyghurning yashawatqanliqi toghrisidiki xewer tarqalghandin kéyin, dunya Uyghur qurultiyi jiddiy téléfon yighini chaqirip, 11 kishidin terkib tapqan musapirlar komitéti qurup chiqip, musapir Uyghurlargha yardem qilishning yollirini izdeshke bashlighan idi.

Dunya Uyghur qurultiyi mu'awin re'isi séyit tümtürk, sabiq mu'awin re'is semet abla qatarliq kishilerdin terkib tapqan hey'et 18-may künidin 25-may künigiche malayshiya we tayland qatarliq döletlerge bérip u yerdiki Uyghur musapirlardin hal soridi.

D u q mu'awin re'isi séyit tümtürk ependi muxbirimizgha sherqiy jenubiy asiya döletliride yashawatqan Uyghurlarning köpining ayallar we balilardin terkib tapqanliqini, bu döletlerning hawa kilimati sherqiy türkistan'gha oxshimaydighan bolghachqa Uyghur balilarning köpining her xil yuqumluq késelge giriptar bolup, qéyin weziyette yashawatqanliqini, chet'eldiki pütün Uyghurlarning bulargha yardem qolini uzitishi kéreklikini éytti.

D u q re'isi séyit tümtürkning éytishiche, dunya Uyghur qurultiyi hey'iti tayland we malayshiyadiki munasiwetlik organlar we ammiwi teshkilatlarning mes'ulliri bilen uchriship, bu Uyghurlar üchün yardem telep qilghan. Mezkur döletlerdiki ammiwi teshkilatlar Uyghur musapirlargha yardem qilishqa bashlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.