Рабийә қадир ханим: тәйвәнликләр уйғурларни муһим истратегийилик һәмкарлашқучимиз дәп қарап кәлмәктә

Мухбиримиз гүлчеһрә
2017-02-27
Елхәт
Пикир
Share
Принт
Тәйвәндики 28-феврал қирғинчилиқиниң 70 йиллиқини хатириләш йүзисидин өткүзүлгән америкидики тәйвәнликләр тәшкилатлириниң хәлқаралиқ йиғиниға уйғур миллий һәрикити рәһбири рабийә қадир ханим 
 алаһидә тәклип билән қатнашти вә уйғур вәзийитини аңлатти. 2017-Йили 26-феврал, лос ангелес.
Тәйвәндики 28-феврал қирғинчилиқиниң 70 йиллиқини хатириләш йүзисидин өткүзүлгән америкидики тәйвәнликләр тәшкилатлириниң хәлқаралиқ йиғиниға уйғур миллий һәрикити рәһбири рабийә қадир ханим алаһидә тәклип билән қатнашти вә уйғур вәзийитини аңлатти. 2017-Йили 26-феврал, лос ангелес.
RFA

Тәйвән хәлқи үчүн 28-феврал, унтулмас күнләрниң бири, 1947-йили 2-айниң 28-күни, җаң кәйши армийиси тәйвән хәлқи үстидин кәң көләмлик қирғинчилиқ елип барған күн болуп, дуняниң һәр қайси җайлиридики тәйвәнликләр бу күнни ортақ хатириләп кәлмәктә. Америкидики тәйвәнликләр тәшкилатлириниң 26-феврал күни лос анҗелес шәһиридә, 28-Феврал қирғинчилиқиниң 70 йиллиқини хатириләш Хәлқаралиқ йиғиниға алаһидә тәклип билән йиғинға қатнашқан уйғур миллий һәрикити рәһбири рабийә қадир ханим, йиғин әһлигә хитай һөкүмитиниң уйғурлар үстидин елип бериватқан қирғинчилиқлири һәққидә доклат бәргән.

Йиғинни тәшкиллигән тәйвән тәшкилатлири рабийә қадир ханимниң тәйвән зияритини әмәлгә ашурушқа болған арзулирини ипадилигән. Паалийәтлирини давамлаштуруватқан рабийә қадир ханим, мухбиримиз гүлчеһрәниң телефон зияритини қобул қилип, өзиниңму тәйвән зияритидин үмидини үзмигәнликини пәқәт мувапиқ пурсәтни сақлаватқанлиқини әскәртти.

Тарихи мәнбәләргә қариғанда, тәйвәндә йүз бәргән 28-феврал қанлиқ вәқәсиниң келип чиқишида 1945-йили, 8-айда японийә тәслим болғандин кейин, шу йили 10-айда гоминдаң һөкүмити тәйвәнгә болған һөкүмранлиқни өткүзүвелип, йәрлик тәйвән хәлқигә қарита сиясий вә иқтисадий җәһәттин зулум селиши муһим рол ойниған.

Бу вақитта гоминдаң даирилириниң чириклики вә башқа түрлүк сәвәбләр түпәйлидин тәйвән иқтисади чекинип кәткән. Шуниңдәк тәйвән йәрлик аһалиси билән гоминдаң һөкүмранлири қатлими арисидики зиддийәт өткүрләшкән, нәтиҗидә, 1947-йили 27-феврал күни йәрлик тәйвәнликләрниң һөкүмәткә қарши наразилиқ намайишлири партлиғанда җаң кәйши қошунлири 28- феврал күни намайишчиларни қанлиқ бастурған. Бу хил бастуруш вә қолға елиш һәрикәтлири таки 5-айғичә давамлашқан.

28-Феврал вәқәси йәнә «тәйвәндики өз алдиға мустәқил дөләт қуруш идийисидики пикир еқиминиң бастурулуши» дәпму қарилиду һәмдә бу вәқә йеқинқи йиллардин буян изчил хатирилинип келинмәктә.

Юқиридики аваз улинишидин, мухбиримиз гүлчеһрәниң бу һәқтики телефон сөһбитини аңлайсиләр.

Пикирләр (0)
Share
Толуқ бәт