Шәрқий түркистан маарип вә һәмкарлиқ җәмийитидә 2013-йиллиқ хизмәт доклат йиғини өткүзүлди

Ихтиярий мухбиримиз арслан
2014.01.21
Share on WhatsApp
Share on WhatsApp
Abdulhakimxan-Mexsum-sozde.jpg Шәрқий түркистан маарип вә һәмкарлиқ җәмийитидә 2013-йиллиқ хизмәт доклат йиғинида абдулһәкимхан мәхсум сөздә. 2014-Йили 19-январ, истанбул.
RFA/Arslan

Мәркизи истанбулға җайлашқан шәрқий түркистан маарип вә һәмкарлиқ җәмийити йиғин уюштуруп, 2013-йиллиқ хизмәтлирини хуласилиди вә 2014-йиллиқ хизмәт пиланлири тоғрисида музакирә елип барди.

2014-Йили 1-айниң 19-күни мәркизи истанбулға җайлашқан шәрқий түркистан маарип вә һәмкарлиқ җәмийитиниң уюштуруши билән 2013-йиллиқ хизмәт доклати вә 2014-йиллиқ хизмәт пилани тоғрисида йиғин өткүзүлди.

Йиғинға шәрқий түркистан маарип вә һәмкарлиқ җәмийитиниң идарә һәйәт рәһбәрлири, зәйтинбурну вә сәфакөй шөбә мәсуллири, сутуқ буғрахан маарип нәшрияти, шәрқий түркистан истратегийә тәтқиқат мәркизи, истиқлал радио-телевизийә тәшвиқат бөлүми қатарлиқ җәмийәтниң шөбә вә бөлүмләрниң мәсуллири вә әзалири болуп 30 киши қатнашти.

Йиғин әтигән саәт 09:00 да башланди, йиғинда җәмийәтниң рәиси һидайәтулла оғузхан ечилиш нутқи сөзлиди вә бу йиғилишниң асаси мәқсити шундақла шәрқий түркистан маарип вә һәмкарлиқ җәмийитиниң хизмәт-паалийәтлири тоғрисида тохталди.

Йиғинда җәмийәтниң 2013-йиллиқ хизмәт доклати тәқдим қилинди, җәмийәт 2013-йили 12 қетим айлиқ сөһбәт йиғини, 12-қетим истратегийә тәтқиқат йиғини, намайиш вә хатириләш йиғинлири шундақла һәр түрлүк иҗтимаий, сиясий, мәдәнийәт паалийәтлири болуп 60 тин артуқ паалийәт қилинғанлиқи билдүрүлди вә 60 қетимлиқ паалийәт тарих вә күнлири бойичә оқуп өтүлди.

Йиғинда йәнә вәтәнпәрвәр юрт мөтивәрлиридин абдуқадир япчан инсаний вә исламий мәҗбурийәт вә мәсулийәт туйғуси тоғрисида тохталди.

Йиғинда йәнә һәр қайси шөбә вә бөлүмләрниң мәсуллири өз саһәси бойичә 2013-йиллиқ хизмәт-паалийәтлиридин доклат бәрди вә 2014-йиллиқ хизмәт пиланлирини оттуриға қойди.

Йиғин ахирида җәмийәтниң баш назири абдулһәкимхан мәхсум җәмийәтниң омумий хизмәт паалийәтлири тоғрисида тохталди вә хизмәт-паалийәтләрни хуласилиди.

Абдулһәкимхан мәхсум сөзидә, шәрқий түркистан маарип вә һәмкарлиқ җәмийәтниң күндин күнгә мәсулийитиниң еғирлишиватқанлиқини, буниңдин кейинки хизмәтләрдә техиму тиришип актип хизмәт қилиш керәкликини тәкитлиди.

Йиғинда йәнә баш назир абдулһәкимхан мәхсум, йеқинда шәрқий түркистан маарип һәмкарлиқ җәмийитиниң идарә һәйәт рәһбәрликиниң идарә хизмәтләрдә вәзипә алмаштуруш тоғрисидики елинған қарарларни билдүрди вә йеңи вәзипә тапшуруп алғанларниң исимликини оқуп өтти. Җәмийәтниң идарә хизмәт бөлүми, иҗтимаий бөлүм, иқтисади бөлүми, нәшрият бөлүм, тәтқиқат бөлүм, тәшвиқат бөлүми қатарлиқ бөлүмләрниң мәсуллири вә хизмәт-вәзипилири елан қилинди.

Пүтүн күн давам қилған йиғин кәч саәт 18:00 дә ахирлашти.

Биз бу йиғин тоғрисида техиму көп мәлуматқа еришиш үчүн шәрқий түркистан маарип вә һәмкарлиқ җәмийитиниң рәиси һидайәтулла оғузхан билән сөһбәт елип бардуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.