Sherqiy türkistan ma'arip we hemkarliq jem'iyitide 2013-yilliq xizmet doklat yighini ötküzüldi

Sherqiy türkistan ma'arip we hemkarliq jem'iyitide 2013-yilliq xizmet doklat yighinida abdulhekimxan mexsum sözde. 2014-Yili 19-yanwar, istanbul.

Merkizi istanbulgha jaylashqan sherqiy türkistan ma'arip we hemkarliq jem'iyiti yighin uyushturup, 2013-yilliq xizmetlirini xulasilidi we 2014-yilliq xizmet pilanliri toghrisida muzakire élip bardi.

2014-Yili 1-ayning 19-küni merkizi istanbulgha jaylashqan sherqiy türkistan ma'arip we hemkarliq jem'iyitining uyushturushi bilen 2013-yilliq xizmet doklati we 2014-yilliq xizmet pilani toghrisida yighin ötküzüldi.

Yighin'gha sherqiy türkistan ma'arip we hemkarliq jem'iyitining idare hey'et rehberliri, zeytinburnu we sefaköy shöbe mes'ulliri, sutuq bughraxan ma'arip neshriyati, sherqiy türkistan istratégiye tetqiqat merkizi, istiqlal radi'o-téléwiziye teshwiqat bölümi qatarliq jem'iyetning shöbe we bölümlerning mes'ulliri we ezaliri bolup 30 kishi qatnashti.

Yighin etigen sa'et 09:00 da bashlandi, yighinda jem'iyetning re'isi hidayetulla oghuzxan échilish nutqi sözlidi we bu yighilishning asasi meqsiti shundaqla sherqiy türkistan ma'arip we hemkarliq jem'iyitining xizmet-pa'aliyetliri toghrisida toxtaldi.

Yighinda jem'iyetning 2013-yilliq xizmet doklati teqdim qilindi, jem'iyet 2013-yili 12 qétim ayliq söhbet yighini, 12-qétim istratégiye tetqiqat yighini, namayish we xatirilesh yighinliri shundaqla her türlük ijtima'iy, siyasiy, medeniyet pa'aliyetliri bolup 60 tin artuq pa'aliyet qilin'ghanliqi bildürüldi we 60 qétimliq pa'aliyet tarix we künliri boyiche oqup ötüldi.

Yighinda yene wetenperwer yurt mötiwerliridin abduqadir yapchan insaniy we islamiy mejburiyet we mes'uliyet tuyghusi toghrisida toxtaldi.

Yighinda yene her qaysi shöbe we bölümlerning mes'ulliri öz sahesi boyiche 2013-yilliq xizmet-pa'aliyetliridin doklat berdi we 2014-yilliq xizmet pilanlirini otturigha qoydi.

Yighin axirida jem'iyetning bash naziri abdulhekimxan mexsum jem'iyetning omumiy xizmet pa'aliyetliri toghrisida toxtaldi we xizmet-pa'aliyetlerni xulasilidi.

Abdulhekimxan mexsum sözide, sherqiy türkistan ma'arip we hemkarliq jem'iyetning kündin kün'ge mes'uliyitining éghirlishiwatqanliqini, buningdin kéyinki xizmetlerde téximu tiriship aktip xizmet qilish kéreklikini tekitlidi.

Yighinda yene bash nazir abdulhekimxan mexsum, yéqinda sherqiy türkistan ma'arip hemkarliq jem'iyitining idare hey'et rehberlikining idare xizmetlerde wezipe almashturush toghrisidiki élin'ghan qararlarni bildürdi we yéngi wezipe tapshurup alghanlarning isimlikini oqup ötti. Jem'iyetning idare xizmet bölümi, ijtima'iy bölüm, iqtisadi bölümi, neshriyat bölüm, tetqiqat bölüm, teshwiqat bölümi qatarliq bölümlerning mes'ulliri we xizmet-wezipiliri élan qilindi.

Pütün kün dawam qilghan yighin kech sa'et 18:00 de axirlashti.

Biz bu yighin toghrisida téximu köp melumatqa érishish üchün sherqiy türkistan ma'arip we hemkarliq jem'iyitining re'isi hidayetulla oghuzxan bilen söhbet élip barduq.